मुंबई: बॉलिवूड अभिनेता शिस्तबद्ध आणि सर्वात फिट राहणारा अभिनेता म्हणून ओळखला जातो. अक्षय कुमार बॉलिवूड पार्ट्यांमध्ये कमी आणि जॉगिंग किंवा व्यायाम करतानाच जास्त दिसतो. विशेष म्हणजे अक्षय कुमार आपल्या दोन्ही मुलांमध्येही हे गुण पाहू इच्छितो. म्हणूनच की काय अक्षय कुमार आपल्या मुलांच्या संगोपनाबाबत खूपच जागरूक आहे. आपल्या बिझी शेड्यूलमधूनही तो आपल्या मुलांसाठी वेळ आवश्य काढतो. अक्षय कुमारची मुलगी नितारा अजून लहान आहे मात्र एवढ्या कमी वयातही तिला वाचनाचा छंद आहे. अक्षयची पत्नी ट्विंकलचं सोशल मीडिया अकाउंट पाहिल्यावर लक्षात येत की, नितारा अगदी रामायणापासून ते परीकथांपर्यंत सर्व पुस्तकं वाचताना दिसते. नितारा प्रमाणेच अक्षयला सुद्धा वाचनाची आवड आहे. वाचन करताना आपल्या मुलांनी काही नव्या गोष्टी, नवे शब्द शिकावे असा त्याचा प्रयत्न असतो. अक्षयच्या मते त्याच्या मुलांचं बालपण सुद्धा असंच असायला हवं जसं सामान्य मुलांचं असतं. तो आपल्या मुलीला क्रिएटिव्ह गोष्टी तयार करण्यासाठी पूर्ण स्वतंत्र्य देतो. अक्षय सांगतो, 'माझ्या मुलांना त्यांना मिळालेल्या प्रत्येक गोष्टीचं मूल्य समजलं पाहिजे. माझ्या आई-वडीलांनी मला खूप चांगले संस्कार दिले आहेत. त्यामुळे मलाही माझ्या मुलांना चांगले संस्कार द्यायचे आहेत.' अक्षय आपल्या दिवसभराच्या शेड्यूलमधून काही वेळ हा खास आपल्या मुलांसाठी राखून ठेवतो आणि त्यांच्याशी गप्पा मारतो. त्यांनी दिवसभरात काय काय केलं याचा आढावा घेतो. अक्षय आणि ट्विंकल दोघंही त्यांनी मुलं अनावश्यक गोष्टींसाठी पैसे खर्च करणार नाहीत याची पूर्ण काळजी घेतात. त्याचा मुलगा आरवला सुद्धा पॉकेटमनी म्हणून मोठी रक्कम मिळत नाही. त्याच्या खर्चासाठी आवश्यक तेवढेच पैसे अक्षय त्याला देतो. याशिवाय व्हेकेशनला जाताना अक्षय आणि ट्विंकल मुलांना सामान्य मुलांप्रमाणेच इकॉनॉमी क्लासनं प्रवास करायला लावतात. आरवनं जेव्हा मार्शल आर्टमध्ये ब्लॅक बेल्ट मिळवला होता. त्यावेळी अक्षयनं त्याला पहिल्यांदा बिझनेस क्लासमधून प्रवास करण्याची संधी दिली होती. अक्षयच्या मते त्याच्या मुलांना, कोणतीही गोष्ट सहज मिळत नाही. ती कमवावी लागते हे समजलं पाहिजे.
from Marathi Bollywood News, Marathi Cinema News https://ift.tt/2OhMKcX
