मुंबई- वेंकटेश प्रभु कस्तूरी राजा हे नाव तुम्ही तुमच्या आयुष्यात कधी ऐकलं नसेल परंतु, तुम्ही या व्यक्तीला चांगल्या प्रकारे ओळखता. हे नाव दुसरं तिसरं कुणाचं नसून खुद्द दाक्षिणात्य अभिनेता धनुषचं मूळ नाव आहे. या लोकप्रिय अभिनेत्याने आतापर्यंत अनेक सुपरहिट चित्रपटात काम केलं आहे. किंवा आपण म्हणूया की, धनुषच्या दर्जेदार अभिनयाने ते चित्रपट सुपरहिट ठरले. त्याचे चाहते तर त्याच्यासाठी जीव द्यायलाही मागेपुढे पाहत नाहीत. धनुष सोशल मीडियावर नेहमी सक्रीय असतो. तो त्याचे व कुटुंबाचे फोटो त्याच्या चाहत्यांसोबत शेअर करत असतो. त्याचं घरीदेखील एखाद्या राजवाड्यापेक्षा कमी नाहीये. आपण स्वर्गात आलो आहोत, असा भास व्हावा इतकं सुंदर त्याचं घर आहे. धनुषच्या घराचे फोटो पाहून तुम्हीही म्हणाल, घर हवं तर असं. धनुषला पर्यावरणाची आवड असल्याने त्याने संपूर्ण घरात तशीच व्यवस्था करून घेतली आहे. त्याच्या घराच्या काही भागांत लाकडाची फ्लोरींग केलेली आहे. भिंतींनादेखील लाकडांचा वापर करून सुशोभित करण्यात आलं आहे. शिवाय त्याच्या घरात लाकडाचा सोफादेखील आहे. त्याच्या घरातील ड्रॉइंग रुमदेखील खूप सुंदर आहे. धनुष आणि त्याची पत्नी ऐश्वर्याने तिथे लाकडी रंगाचा सोफा ठेवला आहे आणि भिंतीवर अनेक फ्रेमदेखील लावल्या आहेत. धनुष व त्याच्या पत्नीला पुस्तक वाचायची आवड असल्याने त्याच्या घरात पुस्तकांसाठी खास जागा ठेवण्यात आली आहे. त्यांनी पुस्तकांसाठी एक वेगळं कपाट बनवून घेतलं आहे. त्याच्या घराच्या बाल्कनीमधून सूर्योदयाचं अत्यंत सुंदर दृश्य पाहता येतं. तिथेच बसण्यासाठीही व्यवस्था करण्यात आली आहे. घराच्या समोरील परिसरदेखील भरपूर मोठा असून तिथे अनेक झाडंदेखील लावली आहेत. त्यामुळे घराची शोभा आणखीनच वाढते. घराच्या बाहेर असलेल्या ऐसपैस जागेत ऐश्वर्या योगा करताना दिसते. धनुष आणि दाक्षिणात्य सुपरस्टार यांची मुलगी ऐश्वर्या १८ नोव्हेंबर २००४ साली लग्नबंधनात अडकले होते. त्यांच्या लग्नात कडक सुरक्षाव्यवस्था ठेवण्यात आली होती. लग्नात येणाऱ्या पाहुण्यांना आमंत्रण पत्रिका दाखवूनच आत सोडण्यात येत होते.
from Marathi Bollywood News, Marathi Cinema News https://ift.tt/3bIIsn8
