मुंबई: अभिनेता सनी देओलचा मुलगा करणनं २०१९मध्ये 'पल पल दिल के पास' या चित्रपटातून बॉलिवूड पदार्पण केलं होतं. त्यानंतर तो कोणत्याही चित्रपटात दिसला नाही. पण लवकरच तो 'यमला पगाला दिवाना २' आणि 'देखो जरा' या चित्रपटातून प्रेक्षकांच्या भेटीला येणार आहे. पण त्या आधीच करणचा एक व्हिडीओ सोशल मीडियावर खूप व्हायरल होताना दिसत आहे. ज्यामुळे तो सध्या चर्चेत आहे. हा व्हिडीओ पाहिल्यावर सर्वांनाच अभिनेता सुशांतसिंह राजपूतची आठवण झाली आहे. या व्हिडीओनंतर सर्वजण सोशल मीडियावर करणचं कौतुक करताना दिसत आहेत. नुकताच वांद्रे येथे दिसला. त्यावेळचा त्याचा हा व्हिडीओ सध्या सोशल मीडियावर चर्चेचा विषय ठरला आहे. करण जेव्हा त्याच्या कारमधून उतरला त्यावेळी काही लहान मुलांनी त्याला घेरलं. करणनं या मुलांसोबत कॅमेऱ्याला पोझ दिली आणि त्या मुलांसोबतही तो खूप प्रेमानं बोलताना दिसला. करणचं हे वागणं पाहून सर्वांनाच सुशांतसिंह राजपूतची आठवण झाली. सुशांतच्या निधनानंतर सोशल मीडियावर एक व्हिडीओ व्हायरल झाला होता. ज्यात तो लहान मुलांसोबत प्रेमानं बोलताना आणि पोझ देताना दिसला होता. करणचा हा व्हिडीओ पाहून सोशल मीडियावर युझर्स त्याचं कौतुक करताना दिसत आहेत. अनेक युझर्सनी कमेंटमध्ये आणि त्याच्या पत्नीनं त्यांच्या मुलाला खूप चांगले संस्कार दिले असल्याचं म्हटलं आहे. करणचा हा व्हिडीओ प्रसिद्ध व्हिडीओ जर्नलिस्ट विरल भयानी यांनी त्यांच्या इन्टाग्रामवर शेअर केला आहे. करण सोशल मीडियावरही खूप सक्रिय आहे. याशिवाय तो फिटनेसच्या बाबतीत खूप जागरुक आहे. अनेकदा तो त्याचे वर्कआउट व्हिडीओ इन्स्टाग्रामवर शेअर करत असतो. काही दिवसांपूर्वीच करणनं त्याच्या इन्स्टाग्रामवर एक व्हिडीओ शेअर केला होता. ज्यात त्याच्यासोबत त्याचे आजोबा अभिनेता धर्मेंद्र हे सुद्धा दिसत आहेत. हा व्हिडीओ शेअर करताना करणनं लिहिलं, 'मोठे बाबा मी तुमच्यावर खूप प्रेम करतो.'
from Marathi Bollywood News, Marathi Cinema News https://ift.tt/3aixPIa
