मुंबई- बॉलिवूड अभिनेत्री तापसी पन्नूने तिच्या चित्रपटांमध्ये एकापेक्षा एक उत्तम भूमिका साकारल्या आहेत. चित्रपट 'पिंक' आणि 'थप्पड' ला तिने तिच्या अभिनयाने एका विशिष्ट उंचीवर नेऊन ठेवलं. अनेक चित्रपटात दर्जेदार भूमिका करून तिने प्रेक्षकांच्या मनात तिची वेगळी प्रतिमा तयार केली. ती तिच्या भूमिकेला न्याय देण्यासाठी प्रचंड मेहनत घेताना दिसते. सध्या ती तिच्या 'शाब्बाश मिट्ठू' मधील भूमिकेसाठी चर्चेत आहे. तापसी पुन्हा एकदा चित्रपट निर्माता सोबत काम करणार आहे. ते दोघे भयपट असलेल्या '' या चित्रपटात एकत्र काम करणार आहेत. या चित्रपटाची निर्मिती एकता कपूर यांची कंपनी कल्ट मुव्हीज करणार आहे जो बालाजी टेलिफिल्म्सचा एक भाग आहे. २०१८ मध्ये आलेल्या ‘मनमर्जियां’ आणि ‘सांड की आंख’ या चित्रपटांनंतर तापसी आणि अनुरागचा हा तिसरा चित्रपट असणार आहे. अनुरागने या चित्रपटातील एक व्हिडीओ इन्स्टाग्रामवर शेअर केला. त्यात तापसी अनुरागला विचारतेय, 'तुम्ही माझ्या टीव्हीत काय करताय? तुम्ही माझ्या स्क्रीनवर काय करताय?.... मला फालतू ज्ञान देऊ नका. मला तुम्ही फक्त टीव्हीत कसे घुसलात ते सांगा.' तापसी अनुरागसोबत काम करायला अत्यंत उत्साही असून त्या खास अनुभवासाठी ती आनंदी आहे. तापसी सध्या अनेक मोठ्या चित्रपटात काम करत असून, तिचा 'रश्मी रॉकेट' लवकरचं प्रदर्शित होणार आहे. त्यासोबत ती 'शाबाश मिट्ठू', 'हसीन दिलरुबा', 'शाबाश नायडू' आणि 'लूप लपेटा' या चित्रपटात दिसणार आहे. त्यातील 'शाबाश मिट्ठू' भारतीय महिला क्रिकेटर मिताली राजची बायोपिक आहे.
from Marathi Bollywood News, Marathi Cinema News https://ift.tt/3ad5ZwJ
