मुंबई- दिग्दर्शक नागराज मंजुळे आपल्या चित्रपटांतून वेगळ्या धाटणीचे व विचार करायला भाग पाडणारे विषय मांडत असतात. त्यांच्या प्रत्येक चित्रपटाची अजून एक खासियत म्हणजे चित्रपटासाठी नवीन कलाकारांकडून करून घेतलेलं काम. असे अनेक चेहरे त्यांनी चित्रपटसृष्टीला दिले. त्यात 'सैराट' मधील रिंकू राजगुरू व आकाश ठोसर हे कलाकार असतील किंवा त्यांच्या सह काम करणारे लंगड्या व सल्या म्हणून प्रसिद्ध असलेले तानाजी व अरबाज असतील. नागराज यांचा असाचं एक गाजलेला चित्रपट म्हणजे 'फँड्री'. या चित्रपटात सोमनाथ अवघडे आणि सुरज पवार यांच्यासह आणखी एक कलाकार आपली वेगळी ओळख बनवण्यात यशस्वी ठरली होती. ती म्हणजे चित्रपटातील शालूचं पात्र साकारलेली अभिनेत्री . राजेश्वरीने आपल्या सहज सुंदर अभिनयाने चित्रपटात उत्कृष्ट काम केलं. आपल्या अभिनयाने तिने रसिकांच्या मनावर ठसा उमटवला. शालूचं पात्र अविस्मरणीय बनवण्यासाठी मेहनत घेणारी शालू आता प्रचंड बदलली आहे. 'फँड्री' चित्रपटात अत्यंत साधी दिसणारी राजेश्वरी आता मात्र ग्लॅमरस अंदाजात प्रेक्षकांसमोर आली आहे. राजेश्वरी सोशल मीडियावर प्रचंड सक्रिय असते. काही काळापूर्वी केलेल्या फोटोशूटमधील काही फोटो तिने तिच्या सोशल मीडिया हॅण्डलवर शेअर केले आहेत. त्यात ती वेगळ्याचं रूपात दिसत आहे. हिचं का ती जब्याची शालू असा प्रश्न पडावा, इतकी राजेश्वरी सुंदर दिसत आहे. तिचे फोटो चाहत्यांच्या पसंतीस उतरले असून त्यावर अनेक कमेंट्सदेखील येत आहेत. राजेश्वरी नेहमीच इन्स्टाग्रामवर तिचे फोटो नेहमी शेअर करत असते. या फोटोंनी तिने रसिकांची मने जिंकली आहेत. चित्रपटात राजेश्वरीच्या वाट्याला जास्त डायलॉग आले नसले तरी तिने तिच्या नजरेनेचं सगळ्यांची मने जिंकली होती. तिच्या चेहऱ्यावरील सहज अभिनय चाहत्यांना भावला होता. चित्रपटात जब्याप्रमाणे शालूच्या भूमिकेला लोकप्रियता मिळाली नाही. 'फँड्री' नंतर राजेश्वरीने 'आयटमगिरी' या चित्रपटात काम केले. परंतु तो चित्रपटही फार कमाल दाखवू शकला नाही. त्यानंतर ती कोणत्याही चित्रपटात दिसली नाही.
from Marathi Bollywood News, Marathi Cinema News https://ift.tt/36UZRY3
