मुंबई : कलाविश्वातील बरीच मंडळी गरजूंना, गरिबांना मदत करण्यासाठी हमखास पुढे सरसावतात. सोनू सुद, अमिताभ बच्चन, विवेक ओबेरॉय यांसारख्या अनेक कलाकारांच सामाजिक कार्य आपण पाहिलच आहे. लॉकडाऊन काळात तर सारेच कलाकार गरजूंना, गरिबांना मदत करण्यास एकवटले होते. आता अभिनेता सिद्धार्थ मल्होत्राचा एक व्हिडिओ सोशल मीडियावर तुफान व्हायरल होत आहे. या व्हिडिओमध्ये सिद्धार्थ एका गरिब व्यक्तीला मदत करताना दिसत आहे. सिद्धार्थ आपल्या कामासाठी घराबाहेर पडला असतानाच त्याचे फोटो काढण्यासाठी छायाचित्रकारांनी गर्दी केली. सिद्धार्थने देखील स्टायलिस्ट पोज देत फोटो काढले. आणि आपल्या गाडीत जाऊन बसला. तो गाडीत बसल्यावर एक गरजू व्यक्ती सिद्धार्थच्या गाडीजवळ आली. या व्यक्तीने सिद्धार्थकडे मदत मागितली आणि त्याने ही क्षणाचाही विलंब न लावता त्याला पैश्यांची मदत केली. त्याचा हाच व्हिडिओ सध्या सोशल मीडियावर व्हायरल झाला आहे. सिद्धार्थ गरिब व्यक्तीला करत असलेली मदत पाहून त्याच्या चाहत्यांनी त्याची स्तुती केली आहे. तर काहींनी ‘...म्हणूनच आम्ही तुझ्यावर प्रेम करतो’ असे म्हटले आहे. त्याच्या या व्हिडिओला काही तासांमध्येच हजारो व्ह्युज मिळाले आहेत. या व्हिडिओच्या माध्यमातून सिद्धार्थचा एक वेगळा गुण, स्वभाव त्याच्या चाहत्यांसमोर आला आहे. सिद्धार्थ सध्या त्याच्या आगामी हिंदी चित्रपटांच्या चित्रीकरणामध्ये फारच व्यग्र आहे. ‘थँक गॉड’, ‘मिशन मजनू’, ‘शेरशाह’ चित्रपटामध्ये सिद्धार्थ मुख्य भूमिकेत झळकणार आहे. ‘थँक गॉड’ सिद्धार्थ, अजय देवगण, रकुल प्रीत सिंग हे त्रिकुट दिसणार आहे. तर ‘शेरशाह’मध्ये सिद्धार्थ त्याची कथित गर्लफ्रेंड अभिनेत्री कियारा अडवाणीबरोबर काम करताना दिसेल. खरंतर येत्या वर्षात सिद्धाकडे हिंदी चित्रपटांची रांगच लागली आहे.
from Marathi Bollywood News, Marathi Cinema News https://ift.tt/3cBPEU7
