मुंबई- रिहानाचं नाव सध्या भारतीयांच्या तोंडावर आहे. खरं तर आंतरराष्ट्रीय पॉप स्टार हिने आपल्या देशात सध्या सुरू असलेल्या शेतकरी आंदोलनावर ट्वीट केलं असून त्यानंतर ट्विटरवर फक्त आणि रिहाना या दोन गोष्टींवरच चर्चा होताना दिसत आहे. पण ही रिहाना आहे तरी कोण आणि तिच्या करिअरबद्दल जाणून घेऊ. रिहाना ही कॅरेबियन पॉप गायिका आहे. २० जानेवारी १९८८ मध्ये बार्बाडोस येथे तिचा जन्म झाला. ट्विटरवर रिहानाचे १० कोटी फॉलोअर्स आहेत. रिहानाचं पूर्ण नाव रॉबिन रिहाना फेंटी आहे. बार्बाडोसमध्ये लहानाची मोठी झालेल्या रिहानाचे वडील बर्बाडियन होते आणि आई गयाना (दक्षिण अमेरिकेच्या उत्तर अटलांटिक किनारपट्टीवरील एक देश) इथली होती. रिहानाला वयाच्या १६ व्या वर्षी रेकॉर्ड प्रोड्यूसर Evan Rogers यांनी रेकॉर्डिंगसाठी अमेरिकेत बोलावले होते. २००५ मध्ये, रिहानाने तिचा पहिला स्टुडिओ अल्बम 'म्युझिक ऑफ द सन' रिलीज केला होता. जो बिलबोर्ड २०० चार्टच्या पहिल्या दहामध्ये पोहोचला होता. एका वर्षाच्या आत रिहानाने तिचा दुसरा स्टुडिओ अल्बम 'अ गर्ल लाइक मी' (२००६) रिलीज केला. हा अल्बम बिलबोर्डच्या अल्बम चार्टच्या पहिल्या पाचमध्ये पोहोचला होता. आंतरराष्ट्रीय पॉप स्टार रिहानाचे भारतातही लाखो चाहते आहेत.२०१९ मध्ये फोर्ब्सने रिहानाला सर्वात श्रीमंत संगीतकार म्हटलं होतं. फोर्ब्सच्या म्हणण्यानुसार, रिहानाची एकूण मालमत्ता ६०० मिलियन डॉलर म्हणजे जवळपास ४ हजार ४०० कोटी रुपये आहे. ट्विटरवर रिहानाचे १०० मिलियन फॉलोअर्स आहेत. ट्विटरवर, १०० दशलक्ष फॉलोअर्स असलेल्या जगभरातल्या सेलिब्रिटींमध्ये रिहाना चौथ्या स्थानावर आहे. 'Don't stop the music', 'Love the way you lie', 'Umbrella' यांसारखे अनेक हिट अल्बम तिने दिले आहेत. रिहाना फक्त पॉप गायिकाचं नाही तर एक चांगली अभिनेत्रीही आहे. हॉलिवूड फिल्म बॅटलशिप आणि Ocean's 8 सारख्या सिनेमांमध्ये ती दिसली आहे. ३२ वर्षांच्या रिहानाचा फॅन्टी (Fenty) नावाचा स्वतःचा फॅशन ब्रँडही आहे. शेतकरी आंदोलना संबंधित बातमी शेअर करताना रिहानाने ट्विटरवर लिहिलं की, आपण शेतकरी आंदोलनाबद्दल का बोलत नाही असं ट्वीट तिने केलं. यासोबतच #FarmerProtest हा हॅशटॅगही वापरला. या ट्वीटनंतर ती चर्चेत आली. विशेष म्हणजे रिहाना अनेकदा सामाजिक मुद्द्यांवर ट्वीट करत असते.
from Marathi Bollywood News, Marathi Cinema News https://ift.tt/36D42Yj
