मुंबई: बॉलिवूड अभिनेता २४ जानेवारीला गर्लफ्रेंड नताशा दलालसोबत लग्नाच्या बेडीत अडकला. त्यांच्या लग्नाचे फोटो सोशल मीडियावर खूप व्हायरल झाले होते. वरुण आणि नताशा दिर्घ काळ रिलेशिपमध्ये होते आणि मागचं वर्षभर त्यांच्या लग्नाच्या चर्चा सुरू होत्या. अखेर जानेवारी महिन्याच्या अखेरीस हे दोघंही लग्नाच्या बेडीत अडकले. त्यानंतर आता वरुण सोशल मीडियावर बायकोसाठी प्रेमळ पोस्ट करताना दिसतो. आताही त्यानं असाच एक व्हिडीओ नताशासाठी इन्स्टाग्रामवर पोस्ट केला आहे. जो खूप व्हायरल झालेला दिसत आहे. लग्नानंतर वरुण धवननं लगेचच त्याच्या आगामी चित्रपटांच्या शूटिंगला सुरूवात केली आहे. त्यामुळे या दोघांना एकमेकांना फारसा वेळ देता येत नाही. मात्र वरुण वेळात वेळ काढून बायकोसाठी सोशल मीडियावर मात्र स्पेशल पोस्ट करत असतो. वरुणनं आताही असाच एक व्हिडीओ नताशाच्या आठवणीत इन्स्टाग्राम स्टोरीवर पोस्ट केला आहे. ज्यात तो चित्रपटाचं शूटिंग आटोपून आपल्या कारनं घरी जाताना दिसत आहे. हा व्हिडीओ शेअर करताना वरुणनं त्याच्या कॅप्शन लिहिलं, 'बायकोसाठी घरी जात आहे.' वरुणचा हा व्हिडीओ सध्या सोशल मीडियावर खूप व्हायरल झाला आहे. सध्या त्याचा आगामी चित्रपट 'जुग जुग जियो'च्या शूटिंगमध्ये बिझी आहे. या व्हिडीओमध्ये वरुण म्यूझिक एन्जॉय करताना दिसत आहे. पण तो खूप थकलेला दिसत आहे. या चित्रपटाचं शूटिंग जेव्हा चंदीगढमध्ये सुरू होतं त्यावेळी वरुण आणि नीतू कपूर यांची करोना टेस्ट पॉझिटीव्ह आली होती. ज्यामुळे हे शूटिंग थांबवलं गेलं होतं. वरुणच्या वर्कफ्रंटबद्दल बोलायचं तर त्याचा 'कुली नंबर १' हा चित्रपट काही दिवसांपूर्वीच अमेझॉन प्राइमवर रिलीज झाला होता. या चित्रपटात त्याच्यासोबत सारा अली खाननं काम केलं होतं तर चित्रपटाचं दिग्दर्शन डेव्हिड धवन यांनी केलं होतं. मात्र हा चित्रपट प्रेक्षकांवर आपली जादू दाखवू शकला नाही. सध्या वरुणकडे 'जुग जुग जियो' हा चित्रपट आहे. ज्यात अनिल कपूर, नीतू कपूर आणि कियारा आडवाणी यांच्या महत्त्वपूर्ण भूमिका आहेत.
from Marathi Bollywood News, Marathi Cinema News https://ift.tt/3cSkwQe
