मुंबई- बी-टाऊनच्या सेलिब्रिटींबद्दल प्रत्येक गोष्ट जाणून घ्यायला त्यांचे जगभरातले चाहते उत्सुक असतात. मग त्यांचं एखादं रिलेशनशिप असो किंवा त्यांनी घेतलेली नवान गाडी, घर.. याहूनही अशा अनेक गोष्टी असतात ज्याबद्दल जाणून घेण्याची चाहत्यांमध्ये इच्छा असते. या सेलिब्रिटींमध्ये स्टार कपल विराट कोहली आणि अनुष्का शर्मा यांचं नाव आवर्जुन घेतलं जाईल. आज आम्ही तुम्हाला या सेलिब्रिटींच्या मुंबईतल्या घराची एक झलक दाखवणार आहोत. याच घरात त्यांची मुलगी वामिका राहणार आहे. मुंबईतील वरळी येथे आहे. मिळालेल्या माहितीनुसार, लग्नानंतर वर्ष २०१७ मध्ये या घरात शिफ्ट झाले. विशेष म्हणजे या कपलने लग्नापूर्वी २०१६ मध्ये हे घर विकत घेतल्याचीही बातमी आहे. अनुष्का आणि विराटचं चार बेडरुमचं लक्झरी घर अपार्टमेन्टच्या ३५ व्या मजल्यावर आहे. मिळालेल्या माहितीनुसार, सात हजार स्क्वेअर फूटपेक्षा जास्त मोठं असलेल्या या घराची किंमत ३४ कोटी रुपयांपेक्षा जास्त आहे. अनुष्का आणि विराटच्या या घरात चार बेडरूम तसेच एक खाजगी टेरेस, गार्डन एरिया, गार्डन आणि एक छोटंस जिमही आहे. विरुष्काच्या घरात एक सुंदर बाल्कनीही आहे. अनुष्का शर्मा सोशल मीडियावर खूप सक्रिय राहाते. ती आपल्या घरातले बरेचसे फोटो आणि व्हिडिओ सोशल मीडियावर शेअर करत असते. फक्त अनुष्काच नाही तर विराटही काही वेळा त्याच्या घरातल्या बाल्कनीचे फोटो शेअर करतो. या सगळ्यात विरुष्काचं घर इतकं आलिशान आहे की तिथे काही फोटोशूटही होतात. एवढंच नाही तर संपूर्ण कुटुंबासोबत एकत्र वेळ घालवण्यासाठी घरात एक मोठा टीव्ही रूमही आहे.
from Marathi Bollywood News, Marathi Cinema News https://ift.tt/3pP4oCV
