मुंबई: बॉलिवूडच्या सुपरस्टार अभिनेत्री यांच्या निधनाला आज ३ वर्षं पूर्ण झाली. २४ फेब्रुवारी २०१८ रोजी श्रीदेवी यांचं अचानक निधन झालं ही घटना सर्वांच्याच मनाला चटका लावणारी होती. दुबईच्या एका हॉटेलमध्ये बाथटबमध्ये बुडून श्रीदेवी यांचा मृत्यू झाला होता. त्या दुबईमध्ये मोहित मारवाहच्या लग्नासाठी गेल्या होत्या. या फंक्शनमधील फोटो आणि व्हिडीओ त्यांनी त्यांच्या सोशल मीडिया अकाउंटवर शेअर केले होते. जे त्यांचे अखेरचे फोटो आणि व्हिडीओ ठरले. श्रीदेवी यांचे इन्स्टाग्रामवरील अखेरचे फोटो पाहिल्यास त्या या फोटोंमध्ये मुलगी खुशी कपूर आणि पती बोनी कपूर यांच्यासोबत दिसत आहेत. या लग्नातील एक व्हिडीओ देखील श्रीदेवी यांनी इन्स्टाग्रामवर शेअर केला होता. जो त्यांचा अखेरचा व्हिडीओ ठरला. आता हाच त्यांचा व्हिडीओ पुन्हा एकदा सोशल मीडियावर व्हायरल होताना दिसत आहे. यात श्रीदेवी, खुशी कपूर आणि बोनी कपूर यांच्यासोबत दिसत आहेत. हा व्हिडीओ त्यांच्या मृत्यूच्या काही तास अगोदरचा आहे. सोशल मीडियावर शेअर केलेल्या या व्हिडीओमध्ये श्रीदेवी लग्नात सर्वांसोबत डान्स करताना दिसत आहेत. श्रीदेवी यांच्या निधनानंतर हा व्हिडीओ खूप व्हायरलही झाला होता. या व्हिडीओमध्ये त्या खूप आनंदी दिसत आहे. हे लग्न अटेंड करून श्रीदेवी हॉटेलमधील रुमवर पोहोचल्या आणि त्यानंतर काही तासांतच त्यांचा बाथटबमध्ये बुडून मृत्यू झाला होता. याशिवाय श्रीदेवी यांनी निधनापूर्वी त्यांच्या इन्स्टाग्रामवर कुटुंबातील सदस्य आणि वर-वधूसोबतचे काही फोटो शेअर केले होते. या फोटोमध्ये त्यांची मुलगी जान्हवी कपूर नव्हती कारण चित्रपटाचं शूटिंग सुरू असल्यानं जान्हवी या लग्नाला उपस्थित राहू शकली नव्हती.
from Marathi Bollywood News, Marathi Cinema News https://ift.tt/3dKcIjU