मुंबई: रिअलिटी शो बिग बॉसच्या १४ व्या पर्वाचा आज ग्रँड फिनाले आहे. काही वेळातच या पर्वाचा विजेता घोषित होणार आहे. या पर्वात टॉप ५ स्पर्धकांमध्ये रुबीना दिलैक, अली गोनी, राहुल वैद्य आणि निक्की तांबोळी यांचा समावेश आहे. राखीनं बिग बॉसच्या घरात वाइल्ड कार्ड एंट्री केली होती. पण त्यानंतर बिग बॉसच्या घरात अनेक ट्वीस्ट पाहायला मिळाले. दरम्यान राखी बिग बॉस हाऊसमध्ये पती रितेशबद्दल बोलताना दिसली होती. तिची इच्छा होती की एकदा तरी रितेश तिला भेटण्यासाठी बिग बॉसच्या घरात यावा. आता बिग बॉसनं राखीची ही इच्छा सुद्धा पूर्ण केली आहे. कलर्स टीव्हीनं बिग बॉस १४ चा नवा प्रोमो शेअर केला आहे ज्यात राखीला सांगताना दिसतो की, तिला भेटण्यासाठी रितेश बिग बॉस हाऊसमध्ये येणार आहे. त्यानंतर रितेश सहरा बांधून बिग बॉसच्या घरात एंट्री करताना दिसतो. पण हा राखी सावंतचा पती रितेश नाही तर अभिनेता रितेश देशमुख आहे. रितेशला पाहून राखी म्हणते मी तर माझ्या पतीला शोधत होते. रितेश बिग बॉसच्या घरात येऊन धम्माल करताना दिसणार आहे. राखी सावंत बद्दल बोलायचं तर स्पर्धकाच्या संपूर्ण पर्वातील प्रवासाची झलक जेव्हा बिग बॉसनी दाखवली त्यावेळी त्यांनी राखी सावंत या पर्वाची खरी एंटरटेनर असल्याचं म्हटलं होतं. राखीनं घरात खूप मस्ती आणि धम्माल केली. तिचा हाच अंदाज प्रेक्षकांना जास्त भावला होता. त्यामुळे राखी टॉप ५ स्पर्धकांच्या यादीत एंट्री करू शकली आहे. दरम्यान #BiggBoss14Finale सध्या ट्विटरवर टॉप ट्रेन्डमध्ये आहे. काही वेळातच या पर्वाचा विजेता घोषित होणार आहे. सोशल मीडियावर चाहते त्यांचा आवडता स्पर्धक जिंकण्याची इच्छा व्यक्त करताना दिसत आहे. दरम्यान रुबीना दिलैक या पर्वाची विजेती होऊ शकते अशी चर्चा सोशल मीडियावर सुरू आहे. तर राहुल वैद्यच्या नावाचीही जोरदार चर्चा आहे. त्यामुळे विजेतेपदासाठी राहुल आणि रुबीनामध्ये अटीतटीची लढाई होणार असं मानलं जात आहे.
from Marathi Bollywood News, Marathi Cinema News https://ift.tt/2NLz7Cu
