मुंबई: बॉलिवूडचे जयकांत शिकरे म्हणजेच अभिनेता यांना त्याच्या दमदार अभिनयासाठी ओळखलं जातं. ते जी भूमिका साकारतात त्यासाठी ते जीव ओतून काम करतात. कन्नड मल्याळम आणि हिंदी चित्रपटात काम केलेल्या प्रकाश राज यांना उत्तम अभिनेत्यांच्या यादीत स्थान आहे. प्रकाश राज यांचा आज ५६ वा वाढदिवस बंगळुरूच्या एका मध्यमवर्गीय कुटुंबात जन्मलेल्या प्रकाश राज यांनी अनेक संघर्ष करून आता त्यांच्याकडे असलेलं यश मिळवलं आहे. प्रकाश राज त्यांच्या अभिनयाच्या करिअरसोबतचं त्यांच्या वैयक्तीक आयुष्यामुळे सुद्धा चर्चेत राहिले. प्रकाश राज यांनी १९९४ मध्ये ललिता कुमारी यांच्याशी लग्नं केलं होतं. पण त्यांचं लग्न फार काळ टिकू शकलं नाही. एकमेकांसोबतच्या मतभेदांमुळे हे दोघं कायदेशीररित्या २००९ मध्ये वेगळे झाले. घटस्फोटानंतर प्रकाश राज स्वतःपेक्षा १२ वर्षांनी लहान असलेल्या कोरिओग्राफर पोनी वर्माच्या प्रेमात पडले. काही वर्ष एकमेकांना डेट केल्यानंतर प्रकाश राज यांनी आपल्या मुलांच्या परवानगीनं २०१० मध्ये पोनीशी दुसरं लग्न केलं. प्रकाश राज यांनी एका मुलाखतीत आपल्या दुसऱ्या लग्नाविषयी सांगितलं होतं. ते म्हणाले, पोनी माझ्या एका चित्रपटासाठी कोरिओग्राफर म्हणून काम पाहत होती. मी माझ्या आई आणि मुलांना सांगितलं की मला पुन्हा लग्न करायचं आहे. पोनीनं माझ्या मुलांसोबत काही वेळ व्यतित करावा असं मला वाटत होतं. त्याप्रमाणे पोनी माझ्या मुलींना भेटली. त्यानंतर माझ्या मुलींनी मला सांगितलं, बाबा तुम्हाला पुन्हा लग्न करायला हवं. त्यानंतर मी पोनीच्या वडिलांना भेटलो आणि आम्ही लग्न केलं. सलमानच्या २००९ मध्ये रिलीज झालेल्या वॉन्टेड चित्रपटात प्रकाश राज यांनी गनी भाईची भूमिका साकारली होती. त्याच्या अभिनयाचं त्यावेळी खूप कौतुक झालं होत. त्यानंतर त्यांनी सिंघममध्ये जयकांत शिकरे ही खलनायकी भूमिका साकारली. त्यांची ही भूमिका एवढी लोकप्रिय झाली की आज अनेक लोक त्यांना या नावनेही ओळखतात. याशिवाय ते 'दबंग', 'बुड्ढा होगा तेरा बाप', 'भाग मिल्खा भाग' या चित्रपटांमध्ये दिसले होते. लवकरच ते KGF चॅप्टर २ मधून प्रेक्षकांच्या भेटीला येणार आहेत.
from Marathi Bollywood News, Marathi Cinema News https://ift.tt/3rwYPJn
