मुंबई: अभिनेता बॉलिवूडच्या सर्वात फिट अभिनेत्यांपैकी एक आहे. त्याच्यासारखा फिटनेस असणं प्रत्येकाचं स्वप्न असतं मात्र हे सोपं नाही कारण त्यासाठी डाएट पाळावं लागतं. अनेक पदार्थ खाण्यासाठी मनाई करण्यात आलेली असते. पण काही पदार्थ असे असतात. जे खाणं सोडणं शक्य नसतं. हृतिकच्या बाबतीतही असंच काहीसं आहे. हृतिकला सुद्धा समोसे खूप आवडतात. त्यानं नुकताच इन्स्टाग्रामवर एक फोटो शेअर केला आहे. ज्यात त्याच्या चेहऱ्यावर अतिशय गंभीर भाव दिसत आहेत. यासोबत त्यानं दिलेलं कॅप्शन सध्या सोशल मीडियावर चर्चेचा विषय ठरत आहे. सध्या सोशल मीडियावर हृतिच्या या गंभीर लुक आणि मजेदार कॅप्शनवाल्या फोटोची जोरदार चर्चा आहे. हृतिकनं हा फोटो शेअर करताना त्याच्या कॅप्शनमध्ये लिहिलं, गंभीर चेहरा पाहिल्यावर तुमच्यासोबत धोका होऊ शकतो. कारण मी कोणतही गंभीर काम करत नाही आहे. हा मेन्यू आहे. मी माझ्या खाण्याच्या बाबतीत खूप गंभीर आहे आणि मी मेन्यूमध्ये समोसा शोधत आहे. इन्स्टाग्रामवर हृतिकच्या या फोटोला आतापर्यंत १.५ मिलियन पेक्षा जास्त लाइक्स मिळाले आहेत. त्याला हा फोटो पाहिल्यावर चाहत्यांसोबतच बॉलिवूड सेलिब्रेटींनाही हसू आवरत नाहीये. हृतिकच्या या फोटोवर त्याच्या अनेक चाहत्यांनी कमेंट केल्या आहेत आणि यासोबतच अनेक बॉलिवूड सेलिब्रेटींनी सुद्धा कमेंट केल्या आहेत. वॉर चित्रपटातील हृतिकचा को-स्टार टायगर श्रॉफपासून ते प्रीती झिंटा हुमा कुरेशा एवढंच नाही तर हृतिकचे बाबा राकेश रोशन सुद्धा हृतिकच्या फोटोचं कॅप्शन वाचून हसत आहेत. सर्वांनीच खळखळून हसणारा इमोजी कमेंटमध्ये पोस्ट केला आहे. हृतिकच्या या फोटोवर एका चाहत्यानं कमेंट करत विचारलं, 'तुला वाटतं का तू समोसा खातोस यावर आम्ही विश्वास ठेवावा?' यावर हृतिकनं या चाहत्याला रिप्लाय देताना लिहिलं, 'यापेक्षा जास्त चांगलं काही असतं का?' हृतिक रोशननं जेव्हा कपिल शर्मा शोमध्ये हजेरी लावली होती. त्यावेळी आपल्याला समोसा सर्वात जास्त आवडत असल्याचा आणि चीट डे ला तो एकावेळी १२ पेक्षा जास्त समोसे खाऊ शकतो असा खुलासा त्यानं केला होता. हृतिकच्या वर्कफ्रंट बद्दल बोलायचं तर तो २०१९ मध्ये आलेल्या वॉर चित्रपटामध्ये शेवटचा दिसला होता. ज्यात त्याच्यासोबत टायगर श्रॉफ आणि वाणी कपूर यांच्याही भूमिका होत्या. लवकरच तो दीपिका पदुकोणसोबत 'फायटर' या चित्रपटात दिसणार आहे. या चित्रपटाच्या निमित्तानं दिग्दर्शक सिद्धांत आनंद यांच्यासोबत तो पुन्हा एकदा काम करणार आहे. याशिवाय तो 'क्रिश ४'मधूनही प्रेक्षकांच्या भेटीला येणार आहे.
from Marathi Bollywood News, Marathi Cinema News https://ift.tt/3ePdiO6