मुंबई- बॉलिवूडची उत्कृष्ट नृत्यांगना म्हणून ओळख मिळवलेली सोशल मीडियावरदेखील चर्चेत असते. नोराने 'बिग बॉस ९' ची स्पर्धक होती. तेव्हापासून तिच्या लोकप्रियतेत प्रचंड वाढ झाली. अनेक अडचणींवर मात करत नोराने तिच्या नृत्यकौशल्याच्या जोरावर बॉलिवूडमध्ये तिचं स्थान निर्माण केलं. 'झलक दिखला जा' या कार्यक्रमातून तिने तिच्या दमदार नृत्याने प्रेक्षकांना वेड लावलं. आज सोशल मीडियावर तिचे लाखो चाहते आहेत. तिच्या प्रत्येक फोटोवर चाहत्यांकडून लाईक आणि कमेंटचा वर्षाव होत असतो. नोराने नुकत्याच शेअर केलेल्या फोटोंची देखील सोशल मीडियावर चर्चा आहे. गेल्या अनेक वर्षात नोराच्या कपड्यांमध्येही बराच बदल पाहायला मिळाला. नोराने तिच्या स्टाईलमध्ये बदल करत अनेकांचं लक्ष वेधून घेतलं. नुकतेच नोराने सोशल मीडियावर काही फोटो शेअर केले होते. त्या फोटोंची देखील सोशल मीडियावर चर्चा आहे. तिने या फोटोंमध्ये भगव्या रंगाचं लांब हाताचं जॅकेट परिधान केलं असून गोल्डन रंगाची पॅण्ट घातली आहे. तिने हातात काळ्या रंगाची हॅण्डबॅग घेतली असून तिला सोनेरी रंगाचे पट्टे आहेत. नोराने केलेला हा पेहराव साधा सुद्धा नसून अत्यंत महागडा आहे. एका वेबसाईटने दिलेल्या माहितीनुसार, नोराने जे जॅकेट परिधान केलं आहे, ते वर्सेस या ब्रॅण्डचं आहे. त्याची किंमत १,६९४ डॉलर म्हणजेच १ लाख २० हजार रुपये आहे. इतकंच नाही तर नोराने हातात घेतलेली बॅग द सेन्ट लॉरेन्ट कंपनीची असून तिची किंमत २०५० डॉलर म्हणजे १ लाख ५० हजार रुपये आहे. याचा अर्थ तिने केलेल्या पेहरावाची एकूण किंमत २ लाख ७० हजार रुपये आहे. एवढ्या पैशात एका मध्यमवर्गीय कुटुंबाची मालदीवची ट्रिप झाली असती. त्यासोबत तिने भगव्या रंगाची लिपस्टिक लावली आहे आणि कमीत कमी मेकअप केला आहे. नोराचा समावेश आता बॉलिवूडमधील स्टायलिश अभिनेत्रींमध्ये होत आहे.
from Marathi Bollywood News, Marathi Cinema News https://ift.tt/39f0i0l
