मुंबई ः आपल्या आयुष्यातील सर्वात जवळच्या आणि महत्त्वाच्या व्यक्ती कायमची निघून गेल्यावर त्या कुटुंबाला जे दुःख सोसावे लागते त्याची कल्पना इतर कुणीही करू शकत नाही. गेलेल्या व्यक्तीच्या आठवणीं हाच त्या कुटुंबातील इतर सदस्यांसाठी जगण्याचा आधार असतो. त्याच्यासोबतचे जुने फोटो, व्हिडीओ बघून त्या व्यक्तीच्या आठवणींमध्ये त्याच्या जवळचे लोक रमतात. असेच काहीसे दिवंगत अभिनेता यांची पत्नी यांचे झाले आहे. ऋषी कपूर यांना जाऊन ११ महिने झाले आहेत. त्यांच्या स्मृतीनिमित्त नीतू कपूर आणि त्यांची मुलगी सहानी या दोघींनी ऋषी यांचा शेवटचा व्हिडीओ इन्स्टाग्रामवर पोस्ट केला आहे. त्यासोबत त्यांनी एक भावूक पोस्ट लिहिली आहे. सोशल मीडियावर नीतू कपूर आणि रिद्धिमा कपूर साहनी यांनी त्यांचा अकाऊंटवर एक व्हिडीओ शेअर केला आहे. हा व्हिडीओ नीतू- ऋषी कपूर यांच्या एकत्रित अशा शेवटच्या न्यूयॉर्कची ट्रीपमधला आहे.. या व्हिडीओमध्ये ऋषी कपूर त्यांच्या नेहमीच्या अंदाजामध्ये गाणे गुणगुणत न्यूयॉर्कमधील रस्त्यांवरून रात्रीच्यावेळी फेरफटका मारताना दिसतात.आणि नीतूला गाणे गाण्याचा आग्रह करताना दिसतात. हा व्हिडीओ शेअर करताना नीतू कपूर लिहितात, 'आज ऋषीजींना जाऊन ११ महिने झाले आहेत. त्यांच्या आठवणींना उजाळा देत आम्हा दोघांची एकत्रित शेवटच्या न्यूयॉर्क ट्रीपमधील काही आठवणी शेअर करत आहे.' नीतू कपूर यांनी हा व्हिडीओ शेअर केल्यानंतर काही वेळातच हजारो नेटक-यांनी त्याला लाईक करत त्यावर प्रतिक्रिया द्यायला सुरुवात केली आहे. तुम्ही आमच्या मनात कायम रहाल नीतू आणि ऋषी कपूर यांची मुलगी रिद्धिमा कपूर सहानी हिने देखील आपल्या वडिलांच्या स्मृतींना उजाळा देत त्यांच्यासोबचा एक फोटो शेअर केला आहे. ती लिहिते 'तुमचे प्रेम आम्हाला कायम मार्गदर्शकाप्रमाणेच आहे. तुमच्या आठवणी आमच्या मनात कायमस्वरुपी राहणार आहेत...' या फोटोमध्ये ऋषी कपूर, नीतू, रणबीर, रिद्धिमा आणि तिची मुलगी आहे. दरम्यान, रिद्धिमाने आज त्यांच्या घरी वडिलांच्या स्मृतिनिमित्ताने झालेल्या पूजेचा फोटोही पोस्ट केला.हा फोटो पोस्ट करताना लिहिले आहे, 'तुम्ही नेहमीच आम्हाला बघत असाल! आम्ही तुम्हाला खूप मिस करतो आहे.' ऋषी कपूर यांचे ३० एप्रिल २०२० ला मुंबईत निधन झाले. गेल्या अनेक वर्षांपासून ते कॅन्सरने आजारी होते. ऋषी यांना जेव्हा कॅन्सर झाल्याचे समजले तेव्हापासून नीतू त्यांच्यासोबत खंबीरपणे उभ्या होत्या. त्या कायम ऋषी यांच्यासोबत असायच्या.
from Marathi Bollywood News, Marathi Cinema News https://ift.tt/3cmmiIJ
