मुंबई ः गेल्या काही दिवसांपासून देशात करोना रुग्णांची संख्या झपाट्याने वाढत आहे. त्यामुळे देशातील काही राज्यांमध्ये तसेच महाराष्ट्रामधील काही शहरांमध्ये काही कठोर निर्बंध तर काही ठिकाणी लॉकडाऊन जाहीर झाला आहे. तसेच काही दिवसांपासून बॉलिवूडमधील कलाकारांनाही करोनाची लागण झपाट्याने होताना दिसत आहे. , कार्तिक आर्यन या कलाकारांचा रिपोर्ट पॉझिटिव्ह आला असून त्यांना क्वारंटाईन करण्यात आले आहे. आता या यादीमध्ये बॉलिवूड आणि दाक्षिणात्य सिनेमामधील आघाडीचा अभिनेता आर. माधवन याची भर पडली आहे. माधवन याने सोशल मीडियावर पोस्ट करत करोनाची लागण झाल्याचे सांगितले आहे. करोनाची लागण झाल्याची माहिती माधवन याने सोशल मीडियावर पोस्ट करून दिली आहे. ही पोस्ट करताना माधवन याने थ्री ईडिट्समधला आमिर खानसोबतचा फोटो शेअर केलाय. गंमतीशीरपणे तो लिहितो, 'रँचो पाठोपाठ फरहानला देखील व्हायरसने गाठले आहे. हे खतरनाक आहे. तरीही ऑल इज वेल असून करोनाही लवकरच बरा होईल. अर्थात आमच्या मागोमाग या ठिकाणी राजूने येऊ नये अशी मनापासून इच्छा आहे. तुम्हा सर्वांच्या प्रेमासाठी खूप खूप आभार... ' राजकुमार हिरानी यांनी दिग्दर्शित केलेला थ्री इडियट्स हा सिनेमा २००९ मध्ये रिलीज झाला होता. या सिनेमामध्ये आमिर खान याने रँचो ची, आर. माधवन याने फरहान याची भूमिका साकारली होती. तर शर्मन जोशी याने राजूची भूमिका केली होती. दरम्यान, आमिर खान याला बुधवारी करोनाची लागण झाल्याची बातमी आली. त्यानंतर आमिरने स्वतःला घरातच क्वारंटाई करून घेतले आहे. तसेच आमिरने त्याच्या घरी आणि ऑफीसमध्ये काम करणा-या सर्व स्टाफला सुट्टी दिली असून घरीच आराम करण्यास सांगितले आहे.
from Marathi Bollywood News, Marathi Cinema News https://ift.tt/2QEjw9p
