मुंबई : याने आपल्या अभिनयाने हिंदी सिनेमाक्षेत्रामध्ये स्वतःची अशी वेगळी ओळख निर्माण केली आहे. एकामागोमाग एक हिट सिनेमे त्याच्या नावावर असल्याने सर्वाधिक मागणी असलेला अभिनेता म्हणूनही तो ओळखला जातो. अनेक मोठ्या बॅनेरचे आणि बजेटचे हिंदी सिनेमे त्याच्याकडे आहेत. केवळ इतकेच नाही तर त्याने अभिनय केलेले सिनेमे ऑस्करमध्येही पोहोचले आहेत. त्याने काम केलेला 'व्हाइट टायगर' या सिनेमाला ऑस्करसाठी नामांकन मिळाले आहे. त्याने काम केलेल्या सिनेमा ऑस्कर पर्यंत पोहोचला असल्याने लवकरच तो हॉलिवूड सिनेमामध्ये झळकण्याची शक्यताही वर्तवली जात आहे. राजकुमार राव हॉलिवूडमध्ये? राजकुमार राव अभिनीत 'व्हाईट टायगर' हा सिनेमा ऑस्करला गेल्यामुळे सगळेजण राजकुमारला हॉलिवूडमध्ये काम करण्याबाबत विचारत आहेत. याबाबत स्वतः राजकुमार याने एका वेबसाईटला दिलेल्या मुलाखतीमध्ये सांगितले की, त्याला सिनेमाच्या खूप चांगल्या ऑफर यायला सुरुवात झाली आहे. परंतु तो अजूनही काही चांगल्या आणि अतिशय नाविन्यपूर्ण अशा गोष्टीची वाट बघत आहे. आता मला स्वतःमधील क्षमतेचा शोध घ्यायचा आहे. राजकुमारसाठी आनंदवार्ता अभिनेता राजकुमार सांगतो की, हॉलिवूडमध्ये हिरो म्हणून काम करण्यासाठी तो उत्सुक आहे. तसेच बॉलिवूडप्रमाणे आणि हॉलिवूडमध्ये देखील आपल्या अभिनयाची चुणूक दाखवण्याची त्याची मनापासून इच्छा आहे. आता राजकुमारला ही संधी कोण देतो आणि कोणत्या सिनेमामधून मिळते याची सर्वांनाच प्रतिक्षा आहे. तर राजकुमारसाठी दुसरी चांगली अशी बातमी आहे की, त्यांचा सिनेमा 'रुही' बॉक्सऑफीसवर हिट होत आहे. करोना काळात हा सिनेमा थिएटरमध्ये रिलीज झाला असून प्रेक्षकांनी त्याला भरभरून प्रतिसाद दिला आहे. मुंबई सागा हा सिनेमा रिलीज झाल्यानंतरही रुहीला प्रेक्षकांचा चांगला प्रतिसाद आहे. या सिनेमात राजकुमारबरोबर जान्हवी कपूर आहे. आता बधाई २ ती तयारी राजकुमारच्या आगामी सिनेमांमध्ये 'बधाई-२ ' या सिनेमाचा समावेश आहे. या सिनेमामध्ये त्याच्यासोबत भूमी पेडणेकर दिसणार आहे. या सिनेमाबद्दल सर्वांनाच उत्सुकता असून या वर्षात हा सिनेमा प्रदर्शित होण्याची शक्यता आहे. बधाई -२ हा आधी प्रदर्शित झालेल्या बधाईपेक्षा वेगळा आहे आणि त्यात जास्त मनोरंजनाचा मसाला आहे, त्यामुळे प्रेक्षकांना हा सिनेमा नक्कीच आवडेल, असा दावा निर्मात्यांनी केला आहे.
from Marathi Bollywood News, Marathi Cinema News https://ift.tt/3comhnv
