मुंबई: बॉलिवूड अभिनेता सलमान खानचा एक जुना व्हिडीओ सध्या सोशल मीडियावर व्हायरल होताना दिसत आहे. ज्यात तो प्रसिद्ध अभिनेता यांच्यासोबत दिसत आहे. या व्हिडीओमध्ये धर्मेंद्र यांनी सलमानचं नाव वेगळ्याच पद्धतीनं घेतलेलं दिसत आहे. त्यामुळे हा व्हिडीओ सध्या सोशल मीडियावर चर्चेत आहे. हा व्हिडीओ पाहून चाहत्यांनाही हसू आवरत नाही आहे. एवढंच नाही तर सलमानच्या चेहऱ्यावरील भावही पाहण्यासारखे आहेत. दिग्गज अभिनेता धर्मेंद्र यांनी काही दिवसांपूर्वीच बिग बॉस १४ च्या ग्रँड फिनालेला हजेरी लावली होती. या शोचं होस्टिंग सलमाननं केलं होतं. या दरम्यान धर्मेंद्र आणि सलमान यांच्यामध्ये प्रेम पाहायला मिळालं. यावेळी सलमाननं धर्मेंद्र त्याचे हिरो असल्याचं म्हटलं होतं. एवढंच नाही तर सलमाननं त्यांना लव्ह गुरू असंही म्हटलं होतं आणि त्यांच्यासोबत 'यमल पगला दिवाना' स्टाइलमध्ये डान्स सुद्धा केला होता. खरं तर सलमान आणि धर्मेंद्र यांच्यातील स्नेह ही कोणासाठीच नवी गोष्ट नाही. जेव्हा सलमाननं बॉलिवूड करिअरला सुरुवात केली होती. तेव्हापासूनच या दोघांमध्ये खूप चांगले संबंध आहेत. दरम्यान आता इन्स्टाग्रामवर या दोघांचा ९० च्या दशकातील एक व्हिडीओ व्हायरल होताना दिसत आहे. जेव्हा हे दोघं एका कार्यक्रमात एकत्र सहभागी झाले होते. या कार्यक्रमात धर्मेंद्र यांनी लाल रंगाचा सूट घातला आहे तर सलमान खाननं जांभळ्या रंगाचा शर्ट आणि जीन्स घातली आहे. तिथे उपस्थित असलेल्या लोकांशी बोलताना धर्मेंद्र सलमानची ओळख आपला मुलगा अशी करून देतात. पण त्यावेळी त्याचं नाव घेताना ते सलमान ऐवजी त्याला सुलेमान असं म्हटलं. ज्यावर सर्वजण हसू लागतात आणि सलमानचाही चेहरा पाहण्यासारखा होतो. पण त्यानंही ही गोष्ट फारशी गंभीरपणे घेतलेली नाही. पण आता मात्र लोक हा व्हिडीओ शेअर करून मजेदार कमेंट करताना दिसत आहेत.
from Marathi Bollywood News, Marathi Cinema News https://ift.tt/3v12stQ
