मुंबई ः बॉलिवूडमधील अभिनेत्री सोनम कपूर ही आपले विचार कुणाचीही पर्वा न करता सोशल मीडियावर बेधडकपणे मांडत असते. त्यामुळे तिला अनेकदा ट्रोल केले जाते. दरम्यान आता ही सोनमने सेलिब्रिटींना होणा-या ट्रोलिंगबाबत तिचे विचार मांडले आहेत. याला कारण ठरले ते प्रसिद्ध मॉडेल आणि टिव्ही पर्सनॅलिटी हिने करणे. अमेरिकतील प्रसिद्ध मॉडेल आणि ख्यातनाम टिव्ही पर्सनॅलिटी असलेल्या क्रिसी टायगन हिने ट्विटर अकाऊंट बंद केले. यावरून खूप नकारात्मक पसरत असून त्याचा आपल्या जीवनावर परिणाम होत असल्याचे कारण देत तिने अकाऊंट बंद केले. त्या पार्श्वभूमीवर सोनम कपूर हिने एक ट्विट केले आहे. ट्विटरवरून खूपच ट्रोलिंग होत असल्याने ते सध्या फारच विषारी झाले असल्याचे सांगत यासाठी तिने एक उपाय सुचवला आहे. काय म्हणते सोनम कपूर सोनम कपूर हिने क्रिसी हिचे ट्विट रिट्विट केले आहे. या ट्विटमध्ये क्रिसी हिने लिहिले आहे की, लोकांना आनंद देणे हे माझ्या आयुष्याचे ध्येय आहे. आणि जर ते करता येत नसेल तर मला त्याचे दुःख होते. असे म्हणत तिने ट्विटरवरून खूप नकारात्मकात पसरत असून त्याचा त्रास होत असल्याचे सांगत अकाऊंट बंद करत असल्याचे सांगितले. या ट्विटवर सोनम विचारते की, अलिकडच्या काळात ट्विटर फारच विषारी झाले आहे का? असे झाले असेल तर आम्ही अकाऊंट बंदच का करू नये? ती पुढे म्हणते की, मी येथे फार सक्रीय नाही. परंतु अनेक बातम्या मला येथूनच कळतात. अर्थात येथे येणा-या बातम्यांची शहानिशा, त्याची जबाबदारी कुणी घेत नाही. ती पुढे म्हणते की, ट्विटरवरून पसरवली जाणारी विषारी भावना आटोक्यात ठेवण्यासाठी येथे अकाऊंट ओपन करताना अनिवार्य करावे असे तिने सुचवले आहे. जसे आपण कोणत्याही प्रकारचे अकाऊंट जेव्हा ओपन करतो तेव्हा त्यासाठी ओळखपत्र अनिवार्य असते. तसेच सर्व सोशल मीडियावर अकाऊंट ओपन करताना करायला हवे. तरच याला काही तरी आळा घालता येईल, असे ती सांगते. गेल्यावर्षी सुशांत सिंह राजपूतच्या निधनानंतर सोनम कपूर हिला खूप ट्रोल करण्यात आले होते. त्यानंतर तिने काँमेंट सेक्शन ऑफ केले होते. त्याचे कारण विचारले असता तिने सांगितले की, काही लोक माझ्या कुटुंबाला खूप वाईटसाईट बोलत होते. आणि यामुळे माझ्या वडिलांना अथवा कुटुंबातील सदस्यांना त्याचा मानसिक त्रास होऊ नये म्हणून मी हे बंद केले आहे. त्यानंतर काही काळ सोनम कपूर सोशल मीडियापासूनच दूर होती.
from Marathi Bollywood News, Marathi Cinema News https://ift.tt/31wKku9