मुंबई- गेल्या वर्षी करोनामुळे संपूर्ण देशामध्ये जाहीर केले होते. त्यामुळे मुंबईत अडकलेल्या मजुरांना त्यांच्या मूळ गावी परतण्यासाठी अभिनेता सोनू सूद आणि त्याच्या टीमने खूप मोठे काम केले. त्यामुळे या मजुरांसाठी आणि सर्वसामान्यांसाठी सोनू मसिहा ठरला होता. त्याच्या या सामाजिक कामाची दखल घेत सोनूला अनेक सन्मान मिळाले आहेत. त्याच्या या पुरस्कारांमध्ये आणखी एका पुरस्काराची भर पडली आहे. हा पुरस्कार फोर्ब्सकडून देण्यात आला असून, त्याला लीडरशिप अवॉर्ड २०२१ प्रदान करण्यात आला आहे. हा पुरस्कार मिळाल्याची माहिती खुद्द अभिनेत्याने त्याच्या सोशल मीडिया अकाउंटवरून चाहत्यांना दिली आहे. हा पुरस्कार मिळाल्याची माहिती सोनूने त्याच्या अधिकृती ट्विटर हँडलवरून दिली. त्याबरोबरच त्याने या पारितोषिकाचा फोटोही शेअर केला आहे. यामध्ये त्याचा कोविड-१९ हिरो म्हणून सन्मान करण्यात आला आहे. हा पुरस्कार मिळाल्याबद्दल सोनूने हात जोडणारे इमोजी शेअर करत आभार मानले आहेत. पुन्हा एकदा देशामध्ये करोनाचा उद्रेक झाल्याने हा पुरस्कार सोहळा ऑनलाइन करण्यात आला होता. सोनूला हा पुरस्कार त्याने लॉकडाउनच्या काळात कामगारांना आणि गरजूंना मदतीची गरज होती अशा नागरिकांना केलेल्या मदतीची दखल घेतल्याबद्दल देण्यात आला आहे. इंडियाच्या फेसबुक पेजवर ही त्याने केलेल्या कामाचे भरभरून कौतुक केले आहे. त्यांनी मजूर आणि गरजू लोकांना जी मदत केली आहे, त्यासाठी त्यांना हे पारितोषिक दिले जात असल्याचे सांगण्यात आले आहे. सोनू याच्या कामाचे सर्वच थरांतून कौतुक अजूनही होत आहे. अलिकडेच स्पाईस जेट या हवाई कंपनीने त्यांच्या देशांतर्गंत उड्डाण करणाऱ्या बोईंग ७३७ या विमानावर सोनूचे चित्र लावत, मसीहा सोनू सुदला सलाम असे गौरवोद्गार काढले होते. सोनू सुदचे आगामी सिनेमे याचे काही हिंदी, तेलगु आणि तमिळ सिनेमे प्रदर्शित होणार आहेत. तेलगूमधली आचार्य या सिनेमात तो चिरंजीव यांच्यासोबत दिसणार आहे. सोनू सुद याने दबंग,युवा, जोधा अकबर, शूट आऊट अॅट वडाला, हॅपी न्यू इअर, सिंबा या सिनेमांत काम केले होते.
from Marathi Bollywood News, Marathi Cinema News https://ift.tt/3w4j30g
