मुंबई: सोनी मराठीवरील मालिका '' सध्या लोकप्रियतेच्या शिखरावर आहे. या मालिकेला सुरुवातीपासूनच प्रेक्षकांचा खूप चांगला प्रतिसाद मिळाला होता. सोशल मीडियावरही या मालिकेची अनेकदा चर्चा होताना दिसते. नेहमीच वेगवेगळ्या कारणांनी ही मालिका चर्चेत राहिली आहे. सुरुवातीलाच अभिनेत्री प्राजक्ता गायकवाडनं ही मालिका सोडल्यानंतर अभिनेत्री या मालिकेत आर्याची भूमिका साकारत होती मात्र आता वीणा जगताप नेसुद्धा ही मालिका सोडली असून आता मालिकेत नव्या अभिनेत्रीची एंट्री होणार आहे. मालिकेतली गोष्ट ही आर्याच्या भक्तीची आणि काळुबाईच्या शक्तीची आहे. या मालिकेत आर्याची काळुबाईवर असलेली भक्ती तिला सर्व संकटांतून मार्ग काढण्यासाठी मदत करते. दरम्यान मालिकेच शूटिंग सुरू झाल्यापासूनच या मालिकेला अनेक समस्यांचा सामना करावा लागला पण त्यानं खचून न जाता कलाकरांनी या मालिकेचं शूटिंग पूर्ण केलं. अनेक समस्या येत असतानाही ही मालिका सोनी टीव्हीवरील सर्वाधिक लोकप्रिय मालिका म्हणून ओळखली जाते. 'आई माझी काळुबाई' या मालिकेत सध्या विराटच्या असुरी प्रभावाखाली असलेले पाटील विरुद्ध श्रद्धा-भक्तीचे पाठबळ असलेले पुरोहित कुटुंब यांच्यातला संघर्ष शिगेला पोचला आहे. अशा या महत्त्वाच्या टप्प्यावर मालिकेत नव्या अभिनेत्रीची एंट्री होत आहे. अभिनेत्री आता आर्याच्या भूमिकेत दिसणार आहे. रश्मीने साकारलेली आर्या प्रेक्षकांसाठी विशेष पर्वणी असेल. वीणा आजारी असल्यानं तिनं ही मालिका सोडल्याचं म्हटलं जात आहे. त्यामुळेच आता रश्मी आर्याच्या भूमिका साकारणार आहे. लोकप्रिय युवा अभिनेता विवेक सांगळे याच्याबरोबर अलका कुबल-आठल्ये, शरद पोंक्षे, मिलिंद शिंदे, प्रसन्ना केतकर, संग्राम साळवी, अनिकेत केळकर, मंजूषा गोडसे, स्मिता ओक, प्राजक्ता दिघे, जान्हवी किल्लेकर, लीना दातार, पार्थ केतकर, शुभंकर एकबोटे या दमदार अभिनयसंपन्न कलाकारांबरोबर रश्मीचे 'आर्या' साकारणे हे या मालिकेचे वेगळेपण ठरेल. मालिकेची लोकप्रियता लक्षात घेता, 29 मार्च ते 3 एप्रिल हा सप्ताह एका तासाच्या विशेष भागांचा असणार आहे.
from Marathi Bollywood News, Marathi Cinema News https://ift.tt/3sBhjcU
