मुंबई- रंगपंचमीच्या दिवशी अनेक बॉलिवूड कलाकारांनी त्यांच्या प्रेक्षकांना सोशल मीडियावाद्वारे शुभेच्छा दिल्या. काहींनी त्यांचे आणि त्यांच्या कुटुंबाचे फोटो चाहत्यांसोबत शेअर केले. तर काहींनी त्यांचे मजामस्तीचे व्हिडीओ सोशल मीडियावर पोस्ट केले. त्यातही बॉलिवूड कलाकारांनी चाहत्यांना करोनापासून स्वतःचा बचाव करत सण साजरा करण्याचं आवाहन केलं. त्यात बॉलिवूडचा खिलाडी अभिनेता अक्षय कुमारचा देखील समावेश होता. अक्षयनेही सोशल मीडियाद्वारे चाहत्यांना काळजी घेण्याचं आवाहन केलं होतं. परंतु, त्याच्या या ट्विटने ट्विटवर युद्धाचं वातावरण तयार झालं होतं. अक्षय कुमारने त्याच्या ट्विटर हॅण्डलवरून चाहत्यांना विनंती केली होती. त्यानं लिहिलं, 'डू मी अ फेवर लेट्स नॉट प्ले होली, आपल्या आणि आपल्या कुटुंबियांच्या काळजीसाठी घरच्याघरीच रंगपंचमी साजरी करा. तुम्हा सगळ्यांना रंगपंचमीच्या खूप खूप शुभेच्छा.' त्याच्या या ट्विटवर नेटकरी प्रचंड भडकले आणि त्यांनी अक्षयला ट्रोल करायला सुरुवात केली. नेटकऱ्यांनी त्याचे इत्तर सणांच्या दिवशीचे ट्विट रिट्विट करत परतून विचारला की, ईदच्या दिवशीदेखील तुम्ही असं का म्हणत नाही. त्यादिवशी तुम्ही त्यांना घरी राहून ईद साजरी करायला का सांगत नाही. शिवाय जनावरांची हत्या करण्यापासून का अडवत नाही. असे अनेक प्रकारचे ट्विट अक्षयच्या ट्विटवर केले गेले. युजर्सनी तर अक्षयला बॉयकॉट करण्याचीदेखील मागणी केली होती. परंतु, अक्षयचे इतर चाहते त्याच्या पाठिंब्यासाठी पुढे येताना दिसले. त्यांनी अक्षयच्या ट्विटमागचा अर्थ त्यांना समजावून सांगितला. त्यांनी ते अक्षयच्या चित्रपटातील गाणं आहे असं सांगत त्याने फक्त तुम्हाला तुमच्या कुटुंबीयांची काळजी घेण्याचं आवाहन केल्याचं म्हटलं.' अक्षयने याशिवाय आणखी एक ट्विट करत त्याची मुलगी निताराचा फोटो शेअर केला होता. त्यात तो आणि पिवळ्या रंगाने रंगलेले दिसले.
from Marathi Bollywood News, Marathi Cinema News https://ift.tt/3rzbrQa
