मुंबई: दाक्षिणात्य सुपरस्टार प्रभासनं कमी कालावधीच प्रेक्षकांवर आपली वेगळी छाप पाडली आहे. आता भारतातच नाही तर परदेशातही प्रभासचा मोठा चाहतावर्ग आहे. याच कारणानं त्याचा प्रत्येक चित्रपट सुपरहिट होतो. फक्त दक्षिण भारतातच नाही तर संपूर्ण देशात आणि जगभरात प्रभासचे चित्रपट पाहिले जातात. एवढंच नाही तर त्यानं बॉलिवूडमध्येही स्वतःचं वेगळं स्थान निर्माण केलं आहे. त्याच्या ब्लॉकबस्टर चित्रपटांनी बॉक्स ऑफिसवर चांगली कमाई केली आहे. ज्याचा फायदा 'बाहुबली' प्रभासला झाला असून त्यानं आता एक महागडी कार खरेदी केली आहे. ज्याची किंमत ऐकूण चाहते हैराण झाले आहेत. तेलुगू चित्रपटांतून आपल्या करिअरची सुरुवात करणाऱ्या प्रभासनं करिअरच्या सुरुवातील खरेदी करण्याचं आपलं स्वप्न असल्याचं बोलून दाखवलं होतं. आता वडीलांच्या वाढदिवसाच्या निमित्तानं प्रभासनं लॅम्बॉर्गिनी कार खरेदी केली आहे. प्रभासच्या या कारची किंमत ६ कोटी रुपये एवढी आहे. सोशल मीडियावर प्रभासच्या या कारचे फोटो आणि व्हिडीओ व्हायरल होताना दिसत आहेत. त्याच्या अनेक चाहत्यांनी त्याच्या कारचे फोटो आणि व्हिडीओ सोशल मीडियावर शेअर केले आहेत. सोशल मीडियावर व्हायरल झालेल्या या व्हिडीओमध्ये कारजवळ उभा असलेला दिसत आहे. तर एका व्हिडीओमध्ये तो रस्त्यावर लॅम्बॉर्गिनी चालवताना दिसत आहे. सोशल मीडियावरून त्याचे चाहते त्याच्या या कारसाठी अभिनंदन करत आहेत. अखेर प्रभासनं त्यानं त्यांचं आणि वडिलांचंही स्वप्न पूर्ण केलं आहे. प्रभासच्या वर्कफ्रंटबद्दल बोलायचं तर त्यानं काही दिवसांपूर्वीच आगमी चित्रपट राधे श्यामचं शूटिंग पूर्ण केलं. या चित्रपटात त्याच्यासोबत अभिनेत्री पूजा हेगडे दिसणार आहे. याशिवाय सध्या तो आदिपुरूष या त्याच्या बहुचर्चित चित्रपटाचं शूटिंग पूर्ण करत आहे. ज्यात तो बॉलिवूड अभिनेत्री क्रिती सेनॉनसोबत स्क्रिन शेअर करणार आहे. तसेच त्याच्या दिग्दर्शक नाग अश्विन यांचाही एक चित्रपट आहे. ज्यात अभिनेत्री दीपिका पदुकोण मुख्य भूमिकेत असणार आहे.
from Marathi Bollywood News, Marathi Cinema News https://ift.tt/2PBsnrY
