‘रहना है तेरे दिल में’ सिनेमाच्या सिक्वेलमध्ये दिसणार ही जोडी?

मुंबई ः हिट झालेल्या सिनेमाचा सिक्वेल येणे हे बॉलिवूडमध्ये नवीन नाही. प्रेक्षकांनाही अशा सिक्वेल सिनेमांची उत्सुकता असतेच. अशा सिक्वेल सिनेमांमध्ये २००१ मध्ये रिलीज झालेल्या 'रहना है तेरे दिल में' चा लवकरच समावेश होणार आहे. आर. माधवन आणि दिया मिर्झा यांची जोडी या सिनेमात दिसली होती. आजही हा , त्यातील ही जोडी आणि सिनेमाची गाणी प्रेक्षकांच्या लक्षात आहे. अशा या सिनेमाचा लवकरच सिक्वेल येणार आहे. या सिनेमाच्या सिक्वेलची घोषणा झाली तेव्हा त्यात दिया मिर्झा आणि आर. माधवन ही जोडी पुन्हा दिसणार अशी जोरदार चर्चा होती. परंतु आता त्यांच्या ऐवजी एक नवीन जोडी घेण्याचा विचार सुरू असल्याची चर्चा आहे. या संदर्भात मिळालेल्या माहितीनुसार सिनेमासाठी कास्टिंग करणा-या टीमने मुख्य भूमिकेसाठी आणि क्रिती सेनन यांची निवड होण्याची शक्यता वर्तवण्यात येत आहे. या दोघांबाबत त्यांच्या भूमिकांबाबत चर्चा सुरू आहे. क्रितीने ही भूमिका करण्यात रस दाखवल्याचे कळते. तर विक्कीने देखील ही भूमिका करण्याची तयारी दर्शवली आहे. या दोघांबरोबर तारखा आणि इतर तांत्रिक बाबींवर बोलणी सुरू आहेत. ती बोलणी पूर्ण झाल्यानंतर २०२२ च्या अखेर सिनेमाच्या चित्रिकरणाला सुरुवात होण्याचा अंदाज वर्तवण्यात येत आहे. दिग्दर्शन कोण करणार? याशिवाय या सिनेमाचे दिग्दर्शन कोण करणार याबाबतही उत्सुकता आहे. या संदर्भात निर्मात्यांकडून मॉम सिनेमाचे दिग्दर्शक रवी उदवार यांचे नाव आघाडीवर असून त्यांच्याशी याबाबत चर्चा सुरू असल्याचे कळते. सध्या रवी सिद्धांत चतुर्वेदी आणि रश्मिका मंधाना यांच्या भूमिका असलेल्या 'युधरा' सिनेमाच्या दिग्दर्शनात व्यग्र आहेत. या सिनेमाचे चित्रिकरण लवकरच संपणार आहे. त्यानंतर ते 'रहना है तेरे दिल में' त्या सिक्वेलसाठी काम करू शकतील. जॅकी भगवानी या सिनेमासाठी खूपच उत्सुक असून ते स्वतः सिनेमाचे स्क्रिप्ट, संगीत या सर्व गोष्टींमध्ये लक्ष देत आहेत. विक्की आणि क्रिती सिनेमे क्रिती 'भेडिया' या तिच्या आगामी सिनेमाचे चित्रिकरण करत आहे. या सिनेमात तिच्यासोबत वरुण धवन दिसणार आहे. 'भेडिया' सिनेमानंतर ती 'आदिपुरुष' या सिनेमाचे चित्रिकरण सुरू करणार आहे. त्यानंतर ती टायगर श्रॉफ बरोबर 'गणपत' या सिनेमासाठी काम करणार आहे. एकूणच क्रिती शेड्युल्ड चांगलेच बिझी आहे. याशिवाय ती कार्तिक आर्यनसह एका आला वैकुंठपुरमळलू ( Ala Vaikunthapurramaloo) या सिनेमाचा रिमेक करणार आहे. तर विक्की कौशल लवकरच मिस्टर लेले सिनेमाचे चित्रिकरण सुरू करणार आहे. त्यानंतर तो 'अश्वत्थामा' सिनेमासाठी काम करणार आहे. या दोघांची इतके बिझी शेड्युल्ड पाहता ते 'रहना है तेरे दिल में'च्या सिक्वेलसाठी कसा वेळ काढणार याचे उत्तर येणा-या काळातच मिळेल.

from Marathi Bollywood News, Marathi Cinema News https://ift.tt/3m2mjol