मुंबई- बॉलिवूड अभिनेत्री काही दिवसांपूर्वीच मालदीवहून परतली आहे. तिने तिथले काही फोटोही चाहत्यांसोबत शेअर केले होते. त्यानंतर इतर कलाकारांप्रमाणे जान्हवीला देखील ट्रोलिंगचा सामना करावा लागला होता. नुकतेच जान्हवीने तिचे काही फोटो चाहत्यांसोबत शेअर केले आहेत. त्यात ती नवरीच्या वेशात दिसतेय. तिने ब्राइडल लेहेंग्यातील काही फोटो शेअर केले आहेत. परंतु, सध्याची परिस्थिती पाहता यावर नेटकरी आपल्याला ट्रोल करू शकतात याची जाणीव असल्याने जान्हवीने पोस्टसोबत स्पष्टीकरण देखील लिहिलं आहे. तिने हे फोटो शेअर करत त्याचा चुकीचा अर्थ काढला जाऊ नये अशी अपेक्षा व्यक्त केली आहे. जान्हवीने इन्स्टाग्रामवर फोटो पोस्ट करत लिहिलं, 'आता सध्या जी परिस्थिती आहे ती पाहता मला माहितीये की आपल्याला थोडं विचारपूर्वक वागायला हवं. इतरांचा विचार करायला हवा. आपला देश ज्या संकटांचा सामना करत आहे ते मला कळतंय. हे जे मॅगझीनचं कव्हर आहे त्याचं चित्रीकरण लॉकडाउन पूर्वीच पूर्ण करण्यात आलं होतं. आम्ही योग्य ती सगळी काळजी घेतली होती शिवाय आम्ही सगळेच सुरक्षित होतो. मॅगझीन कव्हर पोस्ट करण्याची कमिटमेन्ट यापूर्वीच दिली असल्यामुळे मी ते आता पोस्ट करत आहे. मी आशा करते की तुम्ही तुमच्या घरात राहून स्वतःची योग्य ती काळजी घेताय. सगळ्यांना प्रेम.' जान्हवीने आधीच दिलेल्या कमिटमेन्टमुळे करोनाकाळात ही पोस्ट केल्याचं स्पष्टीकरण तिने दिलं आहे. जान्हवीच्या कामाबद्दल बोलायचं तर ती लवकरचं 'गुड लक जेरी' चित्रपटात झळकणार आहे. त्यात ती एका साध्या पंजाबी मुलीची भूमिका साकारत आहे. याशिवाय ती कार्तिक आर्यन सोबत 'दोस्ताना २' मध्येही दिसणार होती. परंतु, कार्तिक या चित्रपटातून बाहेर झाला आहे. जान्हवीचा 'रूही' चित्रपटही प्रेक्षकांच्या पसंतीस उतरला होता.
from Marathi Bollywood News, Marathi Cinema News https://ift.tt/3erIlO7
