मुंबई- बॉलिवूड असुदे किंवा मराठी चित्रपटसृष्टी कलाकरांना नेहमीच चाहत्यांच्या ट्रोलिंगला सामोरं जावं लागतं. कलाकारांनी एखादा फोटो किंवा व्हिडीओ सोशल मीडियावर पोस्ट केला की त्यावर बऱ्याच नकारात्मक कमेंट आपल्याला पाहायला मिळतात. कलाकारही माणूस आहेत ही गोष्ट बहुतेक नेटकरी विसरलेले असतात. असाच एक ट्रोलिंगचा अनुभव मराठमोळी अभिनेत्री हिला आला आहे. परंतु, हेमांगीनेही स्वतःला ट्रोल होऊ न देता युझरच्या प्रश्नावर सडेतोड उत्तर दिलं आहे. काही दिवसांपूर्वी हेमांगी कवीने इन्स्टाग्रामवर एक व्हिडीओ पोस्ट केला होता. ज्यात ती हटके हावभाव करत चाहत्यांची मन जिंकून घेतेय. त्याच व्हिडिओला एका युझरने कमेंट केली. युझरने लिहिलं, 'एक्सप्रेशन आणि डान्स वगैरे ठिक आहे. पण एवढी गचाळ का राहतेस... जरा टिप टॉप रहा म्हणजे आम्हाला बघवेल व्हिडीओ... प्लीज.’ हेमांगीने या कमेंटचा स्क्रिनशॉट तिच्या फेसबूक अकाउंटवर शेअर केला. या कमेंटला उत्तर देताना तिने लिहिलं, 'या फोटोतली कमेंट वाचा! ती ही एका स्त्रीने लिहिलीये! शिकलेली, बऱ्या घरातली बाई! नक्की कुठे चाललोय आपण? आता या कमेंटचा भडीमार होणार.. जाऊद्या, सोशल मीडिया आहे हे, लोकं बोलणारच वगैरे वगैरे! मला एवढंच लक्षात आणून द्यायचंय की आपली मानसिकता काय होत चाललीये! ती जर चूक असले तर ती थांबवावी की नाही हे ज्याने त्याने ठरवावे!' ही पोस्ट करत हेमांगीने चाहत्यांच्या मानसिकतेवर भाष्य केलं आहे. या पोस्टमधून हेमांगीने अनेकांच्या डोळ्यात अंजन टाकण्याचं काम केलं आहे. अनेकांनी तिच्या या पोस्टचं कौतुक केलं आहे. तर अनेकांनी कमेंट करणाऱ्या स्त्रीला दोषी ठरवत हेमांगीला आहे तसंच राहण्याचा सल्ला दिला आहे. हेमांगीने अनेक मराठी मालिकांमध्ये काम केलं आहे. ती अभिनेत्रीसोबत एक उत्तम नृत्यांगना देखील आहे. तिने 'एका पेक्षा एक- अप्सरा आली' या कार्यक्रमात तिच्या नृत्याची झलक प्रेक्षकांना दाखवली आहे.
from Marathi Bollywood News, Marathi Cinema News https://ift.tt/3t95JpN
