मुंबई- 'बिग बॉस १४' चं विजेतेपद जिंकणारी लोकप्रिय अभिनेत्री सध्या सोशल मीडियावर चर्चेत आहे. छोट्या पडद्यावरील मालिकांमधून अभिनय करत प्रेक्षकांच्या घराघरात पोहचलेल्या रुबीनाने 'बिग बॉस' च्या ट्रॉफीवर तिचं नाव कोरलं. त्यानंतर तिने मागे मागे वळून पाहिलेलं नाही. तिच्या लोकप्रियतेत प्रचंड वाढ झाली आहे. तिच्याकडे कामाच्या अनेक ऑफर्स आहेत. सोशल मीडियावरही ती चर्चेत असते. नुकतच तिने एक हटके फोटोशूट करून घेतलं होतं. ते फोटो तिने चाहत्यांसोबत शेअर केले आहेत. त्यानंतर मात्र चाहत्यांनी तिला ट्रोल केलं आहे. रुबीनाने हिरव्या रंगाच्या कपड्यांमध्ये फोटोशूट केलं आहे. या फोटोंमध्ये तिने वेगळं काहीतरी करण्याचा प्रयत्न केला आहे. तिने या फोटोंमध्ये हिरव्या आणि पोपटी रंगाचा ड्रेस परिधान केला आहे. शिवाय तिच्या केसांच्या जागी तिचं संपूर्ण डोकं फुलांनी सजवण्यात आलं आहे. तिच्या डोक्यावर फुलांची हेअरस्टाइल करण्यात आली आहे. तिने डार्क रंगाची लिपस्टीकही लावली आहे. हे फोटो इतर अभिनेत्रींच्या फोटोंपेक्षा नक्कीच वेगळे आहेत. रुबीनाचे हे फोटो पाहून अनेकांनी तिचं कौतुक केलं आहे. तिच्या या धाडसाबद्दल त्यांनी तिचं कौतुक केलं आहे. तिच्या फोटोंवर लाइकचा वर्षाव झाला आहे. पण त्याच बरोबर अनेकांनी तिला ट्रोल केलं आहे. काही युजर्सनी तिला हे काय घातलंय, म्हणत प्रश्न विचारले आहेत. एकाने तू कोबी आणि कांद्याप्रमाणे दिसतेयस, असं म्हटलं आहे. तर दुसर्याने कोणाकडे फुलांची कमी असेल तर रुबीनाकडून घेऊन जा. तिच्या डोक्यावर तिने पूर्ण बगिचा घातला आहे, असं म्हटलं. एकाने आईला हाक मारत आई कोबी, म्हटलं आहे. अशा निरनिराळ्या प्रतिक्रिया तिच्या पोस्टवर पाहायला मिळाल्या आहेत. रुबीना सध्या 'शक्ति- एक एहसास' मालिकेचा भाग बनली आहे. ती त्या मालिकेत पुन्हा एकदा मुख्य भूमिका साकारत आहे. तिची ही मालिका प्रेक्षकांमध्ये अत्यंत लोकप्रिय आहे. रुबीनाला 'खतरों के खिलाडी' कार्यक्रमात सहभागी होण्याबद्दल विचारण्यात आलं होतं. परंतु, तिने त्यासाठी नकार दिला आहे.
from Marathi Bollywood News, Marathi Cinema News https://ift.tt/39YfajZ