मुंबई: बिग बॉसच्या १४ व्या पर्वात आपल्या मैत्रीला प्रेमाचं नाव देणारे आमि सोशल मीडियावर नेहमीच चर्चेत असतात. त्यांनी आपल्या नात्याबद्दल कोणापासून काहीच लपवून ठेवलेलं नाही. टीव्हीवरची ही लोकप्रिय जोडी चाहत्यांनाही खूप आवडते. सध्या हे दोघंही दुबईमध्ये व्हेकेशन एन्जॉय करत आहेत. ज्याचे फोटो सध्या सोशल मीडियावर व्हायरल होताना दिसत आहेत. अशात एका चाहतीनं अली गोनीकडे तिच्याशी लग्न करण्याची इच्छा व्यक्त केली आणि त्यानंही त्यावर मजेदार उत्तर दिलं. अलीची ही पोस्ट सध्या सोशल मीडियावर चर्चेत आहे. अली गोनीनं इन्स्टाग्रामवर नुकतंच Ask Me Anything हे सेशन घेतलं होतं. त्यामधून चाहत्यांनी त्याला वेगवेगळे प्रश्न विचारले आणि त्यापैकी ५ युझर्सच्या प्रश्नांची अलीनं उत्तरं दिली. यात एका चाहतीनं अलीला, 'माझ्याशी लग्न करशील का असा प्रश्न विचारला?' यासोबतच तिनं हार्ट आणि हसणारा इमोजी पोस्ट केला. या चाहतीच्या प्रश्नाचं उत्तर देताना अलीनं जस्मिनचा फोटो शेअर करत लिहिलं, 'हिच्याकडून परवानगी घ्यावी लागेल. घेऊन येशील का?' अलीची ही पोस्ट सध्या सोशल मीडियावर खूप व्हायरल होताना दिसत आहे. सध्या अली आणि जास्मिन दुबईमध्ये सुट्टी एन्जॉय करत आहेत. दरम्यान जास्मिननं तिच्या सोशल मीडियावर अलीसोबतचा एक पोस्ट करताना लिहिलं, 'या फोटोला कॅप्शन द्या' ज्यावर युझर्सनी धम्माल कमेंट केल्या आहेत. अली गोनी आणि जस्मिन भसीन यांच्या लग्नाची चर्चा सध्या जोरदार सुरू आहे. हे दोघंही लग्न कधी करणार याबाबत चाहत्यांमध्ये खूप उत्सुकता आहे. याबाबत अलीनं एका मुलाखतीत सांगितलं होतं की, 'आम्हाला आता एकमेकांना आणखी जाणून घ्यायचं आहे. आता आमचं नातं मैत्रीतून प्रेमात बदललं आहे. पण लग्नासाठी आम्ही अद्याप विचार केलेला नाही.'
from Marathi Bollywood News, Marathi Cinema News https://ift.tt/329Ewat