मुंबई: बॉलिवूड अभिनेत्री आणि अभिनेता राजकुमार रावची गर्लफ्रेंड पत्रलेखाचे वडील अजित पॉल यांचं १२ एप्रिलला निधन झालं. अभिनेत्रीनं सोशल मीडियावर एक पोस्ट शेअर करत ही दुःखद बातमी दिली. पत्रलेखानं वडिलांचा एक फोटो शेअर करत त्यांच्यासाठी एक भावुक पोस्टही लिहिली आहे. जी वाचल्यावर सर्वांच्याच डोळ्यात पाणी येईल. पत्रलेखाच्या या पोस्टवर कमेंट करत सर्व बॉलिवूड सेलिब्रेटींनी तिच्या वडिलांना श्रद्धांजली दिली आहे. पत्रलेखानं तिच्या इन्स्टाग्रामवर वडील अजित पॉल यांचा एक फोटो शेअर केला आहे. हा फोटो शेअर करताना तिनं लिहिलं, 'मी खूप रागावले आहे. दुःखी आहे. मी हे शब्दात व्यक्त करू शकत नाही. हे दुःख मला सहन होत नाही आहे. तुम्ही काहीच न सांगता आम्हाला सोडून गेलात बाबा' पत्रलेखानं तिच्या पोस्टमध्ये पुढे लिहिलं, 'बाबा मी तुमच्यावर खूप प्रेम करते. मी नेहमीच तुमचाच एक भाग असेन आणि तुम्ही नेहमीच आमच्यासोबत राहाल. मी आशा करते की माझ्या आयुष्यात असं काम करेन की तुम्हाला नेहमीच माझा अभिमान वाटेल. हे सुंदर आयुष्य मला देण्यासाठी धन्यवाद. आम्ही चांगलं आयुष्य जगावं म्हणून नेहमीच तुम्ही कष्ट केलं. तुम्ही एका उत्कृष्ट वडील आणि पती होता. तुमचं तुमच्या कामावर खूप प्रेम होतं आणि त्यात तुम्ही उत्कृष्ट होता. तुमचे सर्वच मित्र मला सांगत आहेत की, तुम्ही एक महान मित्र, दिशादर्शक आणि त्यांचे मार्गदर्शकही होता. सी यू बाबा. आय लव्ह यू' पत्रलेखाच्या या पोस्टवर सर्व बॉलिवूड सेलिब्रेटींनी कमेंट करत तिच्या वडिलांना श्रद्धांजली दिली आहे. अभिनेत्री पत्रलेखानं राजकुमार रावसोबत 'सिटिलाइट्स' चित्रपटातून आपल्या करिअरची सुरुवात केली होती. पत्रलेखानं अकाउंटन्ट व्हावं असं वडीलांना वाटायचं पण तिला अभिनयात रस होता.
from Marathi Bollywood News, Marathi Cinema News https://ift.tt/3s969et