मुंबई: अभिनेत्री तिच्या हॉट आणि बोल्ड फोटोंमुळे सोशल मीडियावर नेहमीच चर्चेचा विषय ठरते. काही दिवसांपूर्वीच एक्स बॉयफ्रेंड करण कुंद्राशी झालेल्या ब्रेकअपमुळेही ती चर्चेत आली होती. त्यानंतर आता पुन्हा एकदा सोशल मीडियावर चर्चेचा विषय ठरत आहे ते तिच्या एका बोल्ड फोटोमुळे. तिचा हा फोटो सध्या सोशल मीडियावर जोरदार व्हायरल होत आहे आणि युझर यावर वेगवेगळ्या कमेंट करताना दिसत आहे. तसेच काही युझरनी तर तिला या फोटोवरून ट्रोलही करण्याचा प्रयत्न केला आहे. ज्यावर अभिनेत्रीनं त्यांना सडेतोड उत्तरही दिलं आहे. अनुषा दांडेकरनं तिच्या इन्स्टाग्रामवर नुकताच एक फोटो शेअर केला आहे. ज्यात ती नेहमीप्रमाणेच हॉट आणि ग्लॅमरस दिसत आहे. ती स्टायलिश लुकमध्ये बेडवर बसून पोझ देताना दिसत आहे. पण या फोटोमध्ये तिनं कोणतीही इनरवेअर न वापरता जॅकेट घातलं आहे. या फोटोसोबत तिनं एक बोल्ड कॅप्शनसुद्धा दिलं आहे. तिनं लिहिलं, 'जर तुम्ही मला कुठेही बंद करून ठेऊ इच्छिता तर या सर्व गोष्टींसोबत मला बंद करून ठेवा. ज्या मला खूप प्रिय आहेत.' अनुषाचा हा फोटो सध्या सोशल मीडियावर खूप चर्चेत आहे. हा फोटो काही लोकांच्या पसंतीस उतरला आहे. पण काहींना मात्र तिचा हा बोल्डनेस अजिबात आवडलेला नाही. त्यामुळे त्यांनी तिला ट्रोल करायला सुरुवात केली. एका महिला युझरनं लिहिलं, 'माझ्याकडे काही अतिरिक्त ब्रा आहेत. तुम्ही मला तुमचा पत्ता द्या मी तुम्हाला त्या पाठवून देते.' ट्रोलरच्या या कमेंटवर अनुषानंही रिप्लाय दिला आहे. अनुषानं या महिला ट्रोलरला सडेतोड उत्तर दिलं आहे. या कमेंटला रिप्लाय देताना तिनं लिहिलं, 'तुम्ही त्या तुमच्याकडेच ठेवा, मी त्यांच्याशिवायच आनंदी आहे. धन्यवाद!' अभिनेत्रीच्या या उत्तरानं चाहत्यांची मनं जिंकली आहेत. अनुषा दांडेकर ही अभिनेत्री आणि फरहान अख्तरची गर्लफ्रेंड शिबानी दांडेकरची बहीण आहे. अनुषाच्या या फोटोवर शिबानीनंही कमेंट केली आहे.
from Marathi Bollywood News, Marathi Cinema News https://ift.tt/2Rpo8AC