मुंबई : ऑस्करविजेते संगीतकार लवकरच निर्माता म्हणून आपल्याला दिसणार आहेत. त्यांची निर्मिती असलेल्या '99 साँग्ज' या सिनेमाच्या प्रमोशनाच्या कार्यक्रमात सुत्रसंचालिका हिंदीत बोलत असताना रहमान यांनी तिला मध्येच अडवले. यावरून ते हिंदीविरोधी असल्याची टीका त्यांच्यावर होऊ लागली. या प्रकरणावर रहमान यांनी खुलासा केला आहे. काय म्हणाले रहमान एका वेबसाईटला दिलेल्या मुलाखतीमध्ये रहमान यांना याबाबत प्रश्न विचारण्यात आला असता त्यावर उत्तर देताना ते म्हणाले, 'माझी निर्मिती असलेला '99 साँग्ज' या सिनेमा तीन भाषांत तयार होत आहे. त्याचे म्युझिक लाँच सोहळा होता. हिंदी गाणी एका कार्यक्रमामध्ये आम्ही लाँच केली होती आणि त्या कार्यक्रमात तमिळ गाणी लाँच होणार होती. तर त्या कार्यक्रमासाठी आम्ही काही नियम आखले होते. कारण त्या कार्यक्रमाला आलेले सर्वजण तमिळ होते. त्यामुळे मी देखील सर्व कलाकारांना तमिळमध्येच बोलायला सांगितले होते.' गैरसमज पसरवला गेला रहमान यांनी पुढे सांगितले, ' सुत्रसंचालिकने एहानचा परिचय करून द्यायला सुरुवात केली तेव्हा त्याला खूष करण्यासाठी ती हिंदीमध्ये बोलली. त्यावर मी तिला प्रश्न केला हिंदी? आणि मी स्टेजवरून खाली उतरलो. त्यानंतर दुसरे लोक स्टेजवर आले. यावरच लोकांनी गैरसमज पसरवला असून त्याबद्दल मला राग आहे. मी ते फक्त मस्करीमध्ये म्हणालो होतो. ते इतके गंभीरपणे घेण्याची काहीच गरज नव्हती. असो... यानिमित्ताने का होईना या कार्यक्रमाचा व्हिडीओ लोकांपर्यंत गेला आणि त्यामुळे माझे पैसे वाचले. या निमित्ताने लोकांपुढे माझा आणि एहानचा चेहरा आला...' काय झाले होते? ए. आर. रहमान यांनी '99 साँग्ज' हा सिनेमाची निर्मिती केली आहे. तमिळमध्येही हा सिनेमा तयार होत असून त्याचा म्युझिक लाँच सोहळा होता. सिनेमातील प्रमुख कलाकार एहान भट्ट आणि निर्माता रहमान हे स्टेजवर होते.त्यावेळी सुत्रसंचालिकेने रहमान यांचा परिचय तमिळमधून करून दिला होता. तर एहानचा परिचय तिने हिंदीमधून करून दिला. त्यावेळी रहमान यांनी आश्चर्याने तिला हिंदी? असा प्रश्न विचारला आणि ते स्टेजवरून खाली उतरले. उतरताना त्यांनी तिला विचारले की,'मी तुम्हांला आधी विचारले होते की तुम्ही तमिळमध्ये बोलू शकता की नाही.' यावर त्या सुत्रसंचालिकेने स्पष्टीकरण देताना सांगितले, 'एहानला खूष करण्यासाठी म्हणून हिंदीमध्ये त्याची ओळख करून दिली.' त्यानंतर रहमान हसत हसत म्हणाले, 'मी तर फक्त मस्करी करत होतो...' दरम्यान, रहमान यांची निर्मिती असलेला '99 साँग्ज' या सिनेमाचे दिग्दर्शन विश्वेश कृष्णामूर्ति यांनी केले आहे. या सिनेमात एहान भट्ट प्रमुख भूमिकेत असून त्याच्याबरोबर अमेरिकन अभिनेत्री एडिसली वर्गेस काम करणार आहे. हा सिनेमा १६ एप्रिल २०२१ मध्ये रिलीज होणार आहे.
from Marathi Bollywood News, Marathi Cinema News https://ift.tt/3s8CRN5