मुंबई- तर्फे बनवण्यात येणाऱ्या या चित्रपटाची सोशल मीडियावर जोरदार चर्चा सुरू आहे. चित्रपटाबद्दल प्रेक्षकांमध्ये उत्सुकता पाहायला मिळतेय. या चित्रपटाचं दिग्दर्शन अनुभूती कश्यप करत असून लोकप्रिय बॉलिवूड अभिनेता आणि प्रसिद्ध अभिनेत्री रकुलप्रीत सिंह या चित्रपटात मुख्य भूमिका साकारत आहेत. मिळालेल्या माहितीनुसार, बॉलिवूड अभिनेत्री शेफाली शाहदेखील या चित्रपटात भूमिका साकारणार आहे. अभिनेत्रीच्या भूमिकेबद्दल आणखी खुलासा करण्यात आलेला नाही परंतु, शेफाली आपल्याला चित्रपटात डॉक्टर नंदिनीचं पात्र साकारताना दिसेल. जंगली पिक्चर्स च्या सीईओ अमृता पांडेय यांच्यासोबत झालेल्या संभाषणात त्यांनी शेफालीच्या निवडीबाबत सांगितलं. त्या म्हणाल्या, 'जेव्हा आम्ही 'डॉक्टर जी' च्या पात्रांची निवड करायला सुरुवात केली तेव्हा सगळ्यात आधी शेफालीचं नाव आमच्या डोक्यात आलं. आम्हाला पूर्ण विश्वास आहे की शेफाली या भूमिकेला पूर्ण न्याय देईल. आता या चित्रपटाला खास बनवण्यासाठी आम्ही तिची सेटवर येण्याची वाट पाहतोय.' त्यासोबतच शेफालीला तिच्या पात्राबद्दल विचारणा केली असता ती म्हणाली, 'मी 'डॉक्टर जी' मध्ये काम करण्यासाठी प्रचंड उत्साहित आहे. चित्रपटाचे लेखक सुमित, विशाल आणि अनुभूती यांनी खूप सुंदर कथा लिहिली आहे. मी अनुभूती, आयुष्मान आणि जंगली पिक्चर्ससोबत काम करण्यासाठी पूर्णपणे तयार आहे. या पात्रामधून मला नवीन काहीतरी शिकायला मिळणार आहे.' चित्रपटाच्या दिग्दर्शक अनुभूती यांनी चित्रपटाबद्दल माहिती देताना म्हटलं, ''डॉक्टर जी' एक कॅम्पस कॉमेडी ड्रामा चित्रपट असणार आहे. शेफाली आमच्या चित्रपटाचा एक भाग होणार आहे. आम्हाला तिच्यावर पूर्ण विश्वास आहे. ती तिचं प्रत्येक पात्र अत्यंत सहजरित्या साकारते. त्यामुळे ही भूमिकादेखील ती चांगल्या पद्धतीने साकारेल यात शंका नाही. मी तिची चाहती आहे आणि माझ्या पहिल्याच चित्रपटात तिच्यासारख्या अनुभवी आणि टॅलेन्टेड अभिनेत्रीसोबत काम करण्यासाठी मी उत्सुक आहे.
from Marathi Bollywood News, Marathi Cinema News https://ift.tt/2RhByOR