मुंबई: बॉलिवूड अभिनेता नेहमीच सोशल मीडियावर चर्चेत असते. लवकरच तो 'राधे' चित्रपटात खलनायकाच्या भूमिकेत दिसणार आहे. मागच्या वर्षी त्याचा पहिला हॉलिवूड चित्रपट '' रिलीज झाला होता. नुकत्याच दिलेल्या मुलाखतीत रणदीपनं हॉलिवूड अभिनेता क्रिस हेम्सवर्थसोबत काम करतानाचा अनुभव आणि या चित्रपटाला मिळालेल्या प्रेक्षकांच्या प्रतिक्रियांबाबत सांगितलं आहे. याशिवाय त्यानं बॉलिवूडनं कशाप्रकारे यावर प्रतिक्रिया दिली नाही याबद्दल सांगितलं. हॉलिवूड चित्रपट 'एक्‍सट्रॅक्‍शन'मध्ये रणदीप हुड्डानं Saju Rav नावाची व्यक्तीरेखा साकारली आहे. जो एक स्पेशल फोर्स मेजर आहे. हा त्याचा पहिला हॉलिवूड चित्रपट होता. या चित्रपटाची निर्मिती अवेंजर्स: इन्फिनिटी वॉर आणि एन्डगेम फेम रुसो ब्रदर्सनी केली होती. 'एक्‍सट्रॅक्‍शन'संबंधी बोलताना बॉलिवूडकरांच्या थंड प्रतिसादाबद्दल रणदीप म्हणाला, मला या सर्व गोष्टींची आता सवय झाली आहे. हे सर्व होतच राहतं. कदाचित त्यांनी माझा अभिनय आवडला नसेल किंवा त्यांना माझी अॅक्शन आवडली नसेल त्यामुळे त्यांनी याबाबत काहीच प्रतिक्रिया दिली नसेल. आपल्या सह-कलाकारांचे चित्रपट रिलीज झाल्यानंतर बॉलिवूड कलाकार नेहमीच यावर प्रतिक्रिया देताना दिसतात. एकमेकांना शुभेच्छा देताना दिसतात. मात्र रणदीप हुड्डाच्या 'एक्‍सट्रॅक्‍शन'च्याबाबतीत असं काहीच घडलं नाही. या चित्रपटावर बॉलिवूड कलाकारांनी कोणत्याच प्रतिक्रिया दिली नव्हती. नुकत्याच दिलेल्या मुलाखीतीत रणदीपनं याच मुद्द्यावरून बॉलिवूडकरांना टोमणा मारला आहे.
from Marathi Bollywood News, Marathi Cinema News https://ift.tt/2QrMY2M
