मुंबई : दाक्षिणात्य सुपरस्टार याचा 'राधे श्याम' या सिनेमाची त्याचे चाहते आतुरतेने प्रतिक्षा करत आहेत. या सिनेमात प्रभाससोबत पूजा हेगडे काम करणार आहे. आजचा गुढी पाडव्याचा मुहूर्त साधत या सिनेमाचे रिलीज करण्यात आले आहे. या पोस्टरमध्ये प्रभास क्लासिक रेट्रो लूकमध्ये दिसत आहे. प्रभासचा हा लूक त्याच्या चाहत्यांना खूपच आवडला आहे. प्रभासने त्याच्या सोशल मीडियावर या सिनेमाचे हे नवीन पोस्टर शेअर केले आहे. हे पोस्टर शेअर करताना त्याने लिहिले, 'प्रेम ही अशी गोष्ट आहे की तो सणांना बांधून ठेवतो. याचा आनंद घ्या... तुम्हा सर्वांना आणि तुम्ही ज्यांना आवडता अशा सर्वांना गुढीपाडव्याच्या, बैसाखी, उगादी, विशु, पुथंडु, जुआर च्या खूप सा-या शुभेच्छा... ' या पोस्टरवरील फोटोमध्ये प्रभास एका खांबाला धरून उभा आहे आणि त्याच्या चेह-यावर स्मित हास्य आहे. प्रभासने शेअर केलेल्या या फोटोला आतापर्यंत सहा लाख लोकांनी लाईक केले आहे. पहिले पोस्टर महाशिवरात्रीच्या दिवशी महाशिवरात्रीच्या दिवशी प्रभास आणि पूजा हेगडे यांच्या या सिनेमाचे पहिले पोस्टर रिलीज झाले होते. हा सिनेमा ३० जुलै रोजी रिलीज होणार आहे. हा सिनेमा तेलुगू, तमिळ, हिंदी, कन्नड, मलयालम भाषांत रिलीज होणार आहे. या सिनेमात प्रभास, पूजा यांच्याव्यतिरीक्त भाग्यश्री, सचिन खेडेकर, मुरली शर्मा, कुणार रॉय, रिद्धि कुमार यांच्या प्रमुख भूमिका आहेत. कोट्यवधी रुपयांचे कॉश्चुयम 'राधेश्याम' या सिनेमात प्रभासच्या कॉश्चुमवर जवळपास ६ कोटी रुपये खर्च केले आहेत. त्यामुळे या सिनेमात इतके काय आहे, याची त्याच्या चाहत्यांना उत्सुकता लागून राहिली आहे. प्रभासच्या वर्कफ्रंटबद्दल सांगायचे तर 'राधेश्याम' सिनेमानंतर तो 'आदिपुरुष' सिनेमात तो दिसणार आहे. या सिनेमात त्याच्यासोबत कृति सेनन आणि सैफ अळी खान आहेत. यासिनेमात प्रभास राम, सैफ रावण आणि कृति सीतेची भूमिका साकारत आहे. आदिपुरुष सिनेमाचे चित्रिकरणावेळी शॉर्टसर्किटमुळे सेटला आग लागली होती. यामध्ये संपूर्ण क्रोमा सेट जळून खाक झाला होता. याशिवाय प्रभास ऋतिक रोशन आणि टायगर श्रॉफ यांच्या 'वॉर 2' या सिनेमातही काम करणार असल्याची चर्चा आहे.
from Marathi Bollywood News, Marathi Cinema News https://ift.tt/2PQeeaR