मुंबई- संपूर्ण देश करोनाशी लढा देत आहे. सरकार आणि सामान्य जनता पुन्हा एकदा लॉकडाउनच्या उंबरठ्यावर आले आहेत. परिस्थिती आणखीनच गंभीर होत आहे. बॉलीवूडला तर करोनाने विळखा घातला आहे. बॉलिवूडमधील करोना रग्णांची संख्या वाढतच चालली आहे. त्यामुळे अनेक कलाकार चाहत्यांना काळजी घेण्याचं आणि मास्क लावण्याचं आवाहन करत आहेत. परंतु, काही जणांना अजूनही परिस्थितीचं गांभीर्य लक्षात आलेलं दिसत नाही. अभिनेत्री दिव्या दत्ताने अशाच एका महिलेचा फोटो सोशल मीडियावर शेअर केला आहे. त्यानंतर सगळे त्या महिलेला ट्रोल करत आहेत. बॉलिवूड अभिनेत्री दिव्या दत्ताने तिच्या ट्विटर हॅण्डलवरून एक फोटो शेअर केला आहे. त्यात एका महिलेने तिच्या तोंडाऐवजी तिच्या केसांच्या आंबाड्याला मास्क लावला आहे. जणू तिने केस बांधण्यासाठी त्या मास्कचा वापर केला आहे. हा फोटो पोस्ट करत दिव्याने लिहिलं, 'माहीत नाही आणखी काय काय पाहणं बाकी आहे.' त्यानंतर युझर्स त्या महिलेला ट्रोल करत आहेत. एका युझरने लिहिलं, 'ती स्त्री आहे, काहीही करू शकते.' तर दुसऱ्या युझरने लिहिलं, 'मास्कचा योग्य उपयोग करणारी आपल्या देशातील महान महिला. हीच तर सुंदरता आहे आपल्या भारत देशाची. आपल्या देशात जागोजागी विविधता आहे.' तर एकाने लिहिलं, 'धन्य आहे भारतीय नारी.' काही दिवसांपासून बॉलिवूडमध्येही करोनाचा फैलाव होतो आहे. त्यामुळे अनेक कलाकारांनी चाहत्यांना काळजी घेण्याचं आवाहन केलं आहे. दिव्याने १९९४ साली 'इश्क मे जीना इश्क मे मरना' चित्रपटातून बॉलिवूडमध्ये पदार्पण केलं होतं. तिने आतापर्यंत १०० हून अधिक चित्रपटात काम केलं आहे. लवकरच ती कंगना रणौतच्या 'धाकड' चित्रपटात झळकणार आहे.
from Marathi Bollywood News, Marathi Cinema News https://ift.tt/2OK87Eh