मुंबई: दाक्षिणात्य अभिनेत्री प्रसिद्ध अभिनेत्री सोशल मीडियावर नेहमीच चर्चेत असते. तिचे ग्लॅमरस फोटो नेहमीच व्हायरल होताना दिसतात. पण आता मात्र रायजाची सोशल मीडियावर चर्चा आहे ती एका शस्त्रक्रियेमुळे. चित्रपटांमध्ये सौंदर्यांची छाप सोडणाऱ्या रायजाला एक फेस सर्जरी करणं महागात पडलं आहे. ज्यामुळे आता तिला एका नव्या समस्येचा सामना करावा लागत आहे. याची माहिती तिनं सोशल मीडियाच्या माध्यमातून दिली आहे. अभिनेत्री रायजा विल्सननं तिच्या इन्स्टाग्राम स्टोरीवर स्वतःचा एक फोटो शेअर केला आहे. ज्यामुळे सर्वच हैराण झाले आहेत. या फोटोमध्ये स्पष्ट दिसत आहे की, तिच्या चेहऱ्यावर एक काळा डाग दिसत आहे. तसेच तिच्या एका डोळ्याखालीसुद्धा सुज आलेली दिसत आहे. या फोटोसोबत तिनं हे देखील स्पष्ट केलं आहे की, हे सर्व ज्या डॉक्टरमुळे झालं आहे त्याच्याशी आता तिचा संपर्क होत नाहीये. रायजानं या फोटोच्या कॅप्शनमध्ये लिहिलं, 'मी एका साधारण फेशिअल ट्रीटमेंटसाठी डॉ. भैरवी यांच्या क्लिनिकमध्ये गेले होते. पण त्यांनी मला अशा प्रोसेससाठी जबरदस्ती केली आहे. ज्याची मला गरज नव्हती. पण त्याचा परिणाम आता असा आहे आणि एवढं सर्व झाल्यानंतर ते आता मला भेटण्यासाठी किंवा बोलण्यासाठी तयार नाही. त्यांच्या स्टाफचं म्हणणं आहे की, ते आता शहरात नाहीत.' रायजानं २०१७ मध्ये आपल्या अभिनय करिअरची सुरुवात केली होती. पहिल्यांदा ती दाक्षिणात्य सुपरहिट चित्रपट VIP-2 मध्ये दिसली होती. या चित्रपटात तिनं छोटीशी भूमिका साकारली होती. या चित्रपटात अभिनेता धनुषची मुख्य भूमिका होती. याशिवाय ती तमिळ बिग बॉसच्या पहिल्या सीझनमध्ये सुद्धा दिसली होती. मुख्य अभिनेत्री म्हणून तिला 'प्यार प्रेमा काधाल' या चित्रपटातू प्रसिद्धी मिळाली.
from Marathi Bollywood News, Marathi Cinema News https://ift.tt/3x4VIfB
