मुंबई: बॉलिवूड अभिनेत्री दिया मिर्झाचा पती याच्या मुलीच्या वाढदिवसाच्या सेलिब्रेशनचा व्हिडीओ सध्या सोशल मीडियावर चर्चेचा विषय ठरत आहे. वैभव आणि त्याची एक्स वाइफ सुनैना यांची मुलगी समायराचा वाढदिवस दियानं उत्साहात साजरा केला. या सेलिब्रेशनचा व्हिडीओ सोशल मीडियावर व्हायरल होत आहे. ज्यात दिया वैभव यांच्यासोबत सुद्धा दिसत आहे. वैभवची पहिली पत्नी सुनैना रेखीनं हा व्हिडीओ तिच्या इन्स्टाग्रामवर शेअर केला आहे. हा व्हिडीओ शेअर करताना त्याला दिलेल्या कॅप्शनमध्ये तिनं केवळ 'फॅमिली' असं लिहिलं आहे आणि या पोस्टमध्ये तिनं वैभव रेखी आणि यांनाही टॅग केलं आहे. त्यावरून हे सर्वजण एकमेकांना आपली फॅमिली मानतात हे स्पष्ट दिसून येतं. एवढंच नाही तर सुनैना आणि दियामध्येही चांगलं बॉन्डिंग असल्याचंही या व्हिडीओमध्ये दिसतं. या व्हिडीओमध्ये वैभव रेखी, दिया मिर्झा यांच्या व्यतिरिक्त समायराचे अनेक फ्रेंड्स दिसत आहे. एकीकडे तिची आई सुनैना तिच्या बाजूला उभी आहे. तर बाबा वैभव तिला गालावर किस करून वाढदिवसाच्या शुभेच्छा देताना दिसत आहे. त्यानंतर केक कटिंगच्या वेळी समोर उभी असलेली दिया मिर्झा तिला बर्थ विश मागायला सांगताना दिसते. सुनैना आणि वैभव रेखी यांचा घटस्फोट झाला असला तरीही ती त्याच्या नव्या आयुष्यासाठी खूप खूश आहे. या व्हिडीओमध्ये तिचा हा आनंद स्पष्ट दिसत आहे. दिया मिर्झा आणि समायरामध्ये एक खास बॉन्डिंग तर आहेच पण यासोबतच सुनैना आणि दियामध्येही चांगलं बॉन्डिंग असल्याचं या व्हिडीओत दिसतं. दिया-वैभवच्या लग्नानंतर सुनैनानं एक व्हिडीओ शेअर करत या लग्नासाठी आपण खूप खूश असल्याचं म्हटलं होतं. तिचा हा व्हिडीओ सोशल मीडयावर खूप व्हायरलही झाला होता. मुंबईमध्ये आमची मोठी फॅमिली नाही पण या लग्नामुळे माझ्या मुलीला इथेही मोठी फॅमिली मिळाली आहे असं ती या व्हिडीओमध्ये म्हणताना दिसली होती. दरम्यान दिया मिर्झा सुद्धा लवकरच आई होणार आहे. १५ फेब्रुवारीला वैभव रेखीशी लग्नाच्या बेडीत अडकलेल्या दियानं नुकतीच चाहत्यांना गुड न्यूज दिली आहे. मालदीव व्हेकेशनचा एक फोटो शेअर करत दियानं लवकरच आई होणार असल्याचं सांगितलं होतं.
from Marathi Bollywood News, Marathi Cinema News https://ift.tt/3moEcOf