मुंबई: बॉलिवूड अभिनेत्री पूजा भट्टनं यशस्वी अभिनय करिअरनंतर निर्मिती आणि दिग्ददर्शन क्षेत्रात पाऊल टाकलं. तिनं 'सूर', 'जिस्म', 'पाप', 'रोग' या चित्रपटांची निर्मिती आणि दिग्दर्शन केलं. पूजा भट्टचा 'जिस्म' चित्रपट तर आजही प्रेक्षकांच्या मनात कायम आहे. या चित्रपटातील बोल्ड दृश्य आणि म्युझिकमुळे या चित्रपटाची त्यावेळी खूप चर्चा सुद्धा झाली. आणि यांच्या मुख्य भूमिका असलेल्या या चित्रपटातील ही बोल्ड दृश्य त्यावेळी कशी चित्रित झाली आणि यासाठी बिपाशाला कसं तयार करण्यात आलं होतं याबाबत पूजा भट्टनं नुकत्याच दिलेल्या मुलाखतीत एक खुलासा केला आहे. एका न्यूज पोर्टलला दिलेल्या मुलाखतीत पूजा म्हणाली,'जॉन आणि बिपाशा यांच्यातील बोल्ड दृश्य चित्रित करण्याआधी मी हे सर्व बिपाशावर सोडून दिलं होतं. तिच्या मर्यादा किती आहेत हे तिला ठरवायचं होतं. चित्रपटात कोणत्याही प्रकारची न्यूडिटी नव्हती पण बिपाशाची व्यक्तीरेखा अशी होती की, तिला जॉनला उत्तेजित करायचं होतं. त्यामुळे मी एक अभिनेत्री आणि महिला असण्याच्या नात्यानं बिपाशाकडून असं कोणतंही दृश्य चित्रित करू इच्छित नव्हते ज्यामुळे तिला अस्वस्थ वाटेल. ही सर्व बोल्ड दृश्य चित्रित करण्यासाठी मी काही खास क्रु मेंबर आणि इंटिमेसी कोऑर्डिनेटरची व्यवस्था केली होती.' काही दिवसांपूर्वीच बॉम्बे बेगम या वेब सीरिजमध्ये दिसली या वेब सीरिजमधील बोल्ड दृश्यांच्या अनुभवाबद्दल बोलताना ती म्हणाली, 'या वेब सीरिजमध्ये बोल्ड दृश्य चित्रित करतेवेळी कोणताही इंटिमेसी कोऑर्डिनेटर नव्हता. पण दिग्दर्शिका अलंकृता श्रीवास्तव यांनी मला याची पूर्ण कल्पना दिली होती. यावर आमचं सविस्तर बोलणं झालं होतं. ज्यामुळे मी माझ्या सहकलाकारासोबत अशी दृश्य देऊ शकले.'
from Marathi Bollywood News, Marathi Cinema News https://ift.tt/32rDF5f
