मुंबई: बॉलिवूड सेलिब्रेटींमध्ये करोनाचं संक्रमण दिवसेंदिवस वाढत चाललं आहे. एका मागोमाग एक सेलिब्रेटी करोना व्हायरसची शिकार होताना दिसत आहेत. अभिनेत्री आलिया भट्ट आणि यांच्यानंतर आता अभिनेता यांनाही करोनाची लगाण झाल्याची माहिती मिळत आहे. त्यांनी स्वतःला घरीच क्वारंटाइन केलं आहे. मीडिया रिपोर्टनुसार गोविंदा यांनी सांगितलं की, 'मी स्वतःची काळजी घेत आहे आणि करोना संबंधित सर्व नियमांच पालन करत आहे. मागच्या काही दिवसांपासून माझी तब्येत ठीक नव्हती त्यामुळे मी स्वतःची करोना चाचणी करून घेतली जी पॉझिटिव्ह आली. पण माझ्या घरातील इतर सदस्यांची करोना चाचणी मात्र निगेटिव्ह आली आहे. काही दिवसांपूर्वीच माझी पत्नी सुनिता करोना व्हायरसमधून ठीक झाली आहे. ती स्वतःची पूर्ण काळजी घेत आहे मात्र आता मी करोनाची शिकार झालो आहे.' गोविंदा यांच्या अगोदर आज सकाळीच अभिनेता अक्षय कुमारला सुद्धा करोनाची लागण झाल्याचं समजतं. सोशल मीडियावर नेहमीच सक्रिय असणाऱ्या अक्षयनं त्याचे करोना रिपोर्ट पॉझिटिव्ह आल्याची माहिती इन्स्टाग्रामवर एक पोस्ट शेअर करत दिली. अक्षयनं त्याच्या पोस्टमध्ये लिहिलं, 'नुकतीच माझी करोना चाचणी पॉझिटीव्ह आली असून मी स्वतःला घरीच क्वारंटाइन केलं आहे. मी स्वतःची सर्व काळजी घेत आहे आणि करोना संबंधिच्या नियमांचं पालन करत आहे. जे लोक मागच्या काही दिवसांमध्ये माझ्या संपर्कात आले आहेत त्या सर्वांना विनंती आहे की, त्यांनी स्वतःची करोना चाचणी करून घ्यावी. सर्वांनी स्वतःची काळजी घ्या. मी लवकरच परत येईन.' दरम्यान मागच्या काही दिवसांत बॉलिवूडमध्ये आलिया भट्ट, आमिर खान, परेश रावल, रणबीर कपूर, संजय लीला भंसाली, सतीश कौशिक, कार्तिक आर्यन, तारा सुतारिया अशा अनेक कलाकारांना करोना व्हायरसची लागण झाली आहे. तर मागच्या वर्षीही बॉलिवूडच्या अनेक कलाकारांना करोना व्हायरसची लागण झाली होती. ज्यात अमिताभ बच्चन, अभिषेक बच्चन, ऐश्वर्या राय, आराध्या, अर्जुन कपूर, मलाइका अरोरा या सेलिब्रेटींचा समावेश होता. दरम्यान करोनाच्या काळात बॉलिवूडला बरंच नुकसान सोसावं लागलं आहे.
from Marathi Bollywood News, Marathi Cinema News https://ift.tt/3wpLYMz