मुंबई: अभिनेता याच्या निधनानंतर अनेक धक्कादायक खुलासे झाले. ज्यामुळे लोक हैराण झाले होते. त्यानंतर आता सुशांतची जवळची मैत्रीण स्मिता पारिख हिने आणखी एक धक्कादायक असा खुलासा केला. सुशांतच्या निधनानंतर स्मिता नेहमीच रियाच्या विरोधात बोलताना दिसली होती. आता तिनं एक सोशल मीडिया पोस्ट करत नवा खुलासा केला आहे. ज्यावर युझर्सच्या कमेंटचा अक्षरशः पाऊस पडताना दिसत आहे. स्मिता पारिखनं तिच्या ट्विटर हॅन्डलवर एक ट्वीट केलं आहे. त्यामध्ये तिनं लिहिलं, 'सुशांतला भेटण्याआधी अभिनेता आदित्य रॉय कपूरला डेट करत होती. जेव्हा त्यानं तिला सोडून दिलं तेव्हा तिनं स्वतःला तिच्यासोबत राहणाऱ्या त्या आत्म्याच्या मदतीनं सांभाळलं होतं का? एक स्त्री किती खालच्या पातळीला जाऊ शकते. ही कहाणी तू आणखी किती लोकांना ऐकवली आहेस ताई. एक धोकादायक व्यक्ती मोकळेपणे फिरत आहे. रियाला सुशांतच्या आयुष्यात पाठवण्यात आलं होतं.' स्मिताच्या या पोस्टवर एका युझरनं कमेंट करताना त्या आत्माबद्दल विचारलं आहे ज्याचा उल्लेख तिनं तिच्या पोस्टमध्ये केला आहे. यावर उत्तर देताना स्मितानं लिहिलं, 'रिया नेहमीच सांगायची की, तिच्या एका बालपणीच्या मित्राचं वयाच्या १७ व्या वर्षी निधन झालं होतं आणि तो नेहमीच तिच्यासोबत असतो. किती दुःखद गोष्ट आहे.' सुशांतसिंह राजपूतच्या निधनानंतर झालेल्या तपासात रियाच्या कॉल डिटेल्समध्ये आदित्य रॉय कपूरचंही नाव समोर आलं होतं रियानं आदित्यला २३ वेळा कॉल केला होता. मिळालेल्या माहितीनुसार रिया आणि आदित्य २०१२ ते २०१४ या दरम्यान अनेकदा एकत्र दिसले होते. पण जेव्हा या काळात ते दोघं एकमेकांना डेट करत असल्याची माहिती समोर आली तेव्हा मात्र सर्वच हैराण झाले.
from Marathi Bollywood News, Marathi Cinema News https://ift.tt/3d9KgHD