मुंबई: बिग बॉसमध्ये सर्वात जास्त चर्चेत असलेली स्पर्धक आर्शी खानसोबत नुकतंच एअरपोर्ट असं काही घडलं ज्यामुळे ती खूपच घाबरलेली आहे. आर्शीचा एअरपोर्टवरील एक व्हिडीओ सध्या सोशल मीडियावर खूप व्हायरल होताना दिसत आहे. या व्हिडीओमध्ये एक व्यक्ती अचानक आर्शी खानला अगोदर सेल्फी क्लिक करण्यासाठी विचारतो आणि नंतर अचानक तिला किस करतो. सध्या आर्शी खानचा हा व्हिडीओ सध्या सोशल मीडियावर चर्चेचा विषय ठरत आहे. आर्शी खानच्या सोशल मीडियावर व्हायरल झालेल्या व्हिडीओमध्ये तिचा एक चाहता एअरपोर्टवर सेल्फी क्लिक करण्यासाठी विनंती करताना दिसतो. ज्यावर आर्शी त्याला होकार देते पण सेल्फी क्लिक केल्यानंतर तो लगेचच आर्शीचा हात पकडतो आणि तिच्या हातावर किस करतो. चाहत्याचं अचानक असं वागणं पाहून घाबरुन जाते आणि मागे होते. त्यावर तिथे असलेले फोटोग्राफर तिला विचारतात हे काय झालं मॅडम. आर्शी त्यावेळीही धक्का बसल्यासारखी उभी असते. अर्शी खान काही वेळानंतर सावरते आणि म्हणते, 'चला चला इथून' आर्शी खानचा हा विरल भयानी यांनी त्यांच्या इन्स्टाग्रामवर शेअर केला आहे. आर्शीच्या वर्कफ्रंटबद्दल बोलायचं तर लवकरच ती एक वेब सीरिजमध्ये दिसणार आहे. या वेब सीरिजमध्ये आर्शी खान अभिनेता रवी भाटियासोबत रोमान्स करताना दिसणार आहे. बिग बॉस १४ मध्ये एंट्री करण्याआधी आर्शीनं हा प्रोजेक्ट सुरू केला होता. त्यामुळे तिला बिग बॉसचा प्रवास अर्ध्यावरच सोडावा लागला. या वेब सीरिजचं दिग्दर्शन अनिरुद्ध कुमार यांनी केलं आहे.
from Marathi Bollywood News, Marathi Cinema News https://ift.tt/3dxsYo1
