मुंबई: बॉलिवूड चित्रपटांनी फक्त भारतातच नाही तर परदेशातही स्वतःची वेगळी ओळख निर्माण केली आहे. एवढंच नाही तर पाकिस्तानातही या चित्रपटांना चांगलीच पसंती मिळते. जेव्हा बॉलिवूड चित्रपटांचं स्क्रिनिंग पाकिस्तानमध्ये होतं तेव्हा त्याला प्रेक्षकांचा भरभरून प्रतिसाद मिळतो. त्यामुळे बॉलिवूड कलाकारांचे चाहते पाकिस्तानातही आहेत असं म्हटलं तरी चुकीचं ठरणार नाही. पण काही बॉलिवूड अभिनेते मात्र पाकिस्तानच्या प्रेक्षकांना अजिबात आवडत नाही. त्यांचे चित्रपट या ठिकाणी अजिबात पाहिले जात नाहीत. बॉलिवूड अभिनेता सुनील शेट्टी अशा कलाकारांपैकी एक आहे. ज्याचे चित्रपट पाकिस्तानात पाहिले जात नाहीत. सुनील शेट्टीनं ‘मैं हूं ना’ चित्रपटात सैनिकाची भूमिका साकारली होती. जो पाकिस्तानी नागरिकांची हत्या करतो. त्यानंतर पाकिस्तानी नागरिकांनी त्याचे चित्रपट पाहाणं बंद केलं. सनी देओल सनी देओलनं 'गदर: एक प्रेम कथा', 'इंडियन', 'मां तुझे सलाम' आणि 'बॉर्डर' यासारख्या हिट चित्रपटांमध्ये काम केलं आहे. पण या चित्रपटातील त्याची देशभक्ती आणि प्रत्यक्ष-अप्रत्यक्ष रुपात तो त्यांच्या देशासाठी खलानाय म्हणूनच दिसतो. त्यामुळे त्याचे चित्रपट पाकिस्तानात पाहिले जात नाहीत. बॉलिवूडमध्ये देशभक्तीवर आधारित सर्वाधिक चित्रपट अक्षय कुमारच्या नावावर आहेत. याशिवाय तो देशाप्रती असलेलं आपलं प्रेम दाखवण्याची एकही संधी सोडत नाही. प्रत्येक वर्षी तो सैनिकांसाठी कोट्यवधी रुपयांचा खर्च करतो. ज्यामुळे अक्षय कुमारचे चित्रपट पाकिस्तानमध्ये पाहिले जात नाहीत. विक्की कौशल अभिनेता बॉलिवूडच्या उत्कृष्ट अभिनेत्यांध्ये गणला जातो. त्याचा 'उरी द सर्जिकल स्ट्राइक' हा चित्रपट बॉक्स ऑफिसवर तुफान हिट झाला होता. ज्यात पाकिस्तानच्या वाईट आणि कारस्थानी बाजू दाखवण्यात आली आहे. भारतानं पाकिस्तानवर सर्जिकल स्ट्राइक करत हल्ल्याचा बदला कसा घेतला हेच यात दाखवलं गेलं आहे. त्यामुळे या चित्रपटाला पाकिस्तानमध्ये बंदीच घालण्यात आली होती. तसेच पाकिस्तानी प्रेक्षकांना आता विकी कौशलही अजिबात आवडत नाही.
from Marathi Bollywood News, Marathi Cinema News https://ift.tt/39REHM2