चिमुकलीसोबत वरुण धवननं केलं असं काही की तुम्हालाही आवरणार नाही हसू

मुंबई: अभिनेत्री लवकरच अभिनेता वरुण धवनसोबत 'भेडिया' चित्रपटातून प्रेक्षकांच्या भेटीला येत आहे. सधअया या चित्रपटाचं शूटिंग अरुणाचल प्रदेश येथे सुरू असून या ठिकाणी रोज वरुणचे चाहते त्याला भेटायला येत असलेले पाहायला मिळतात. हॉटेल आणि चित्रपटाच्या सेटवर रोज काहीतरी नवीन पाहायला मिळतं. अशात आता अभिनेत्री क्रिती सेनॉन हिनेसुद्धा वरुणचा एक मजेदार व्हिडीओ शेअर केला आहे. आणि क्रिती सेनॉन नेहमीच अरुणाचल प्रदेशमधील निसर्गाचे आणि तिथल्या चाहत्यांसोबतचे फोटो सोशल मीडियावर शेअर करताना दिसतात. याशिवाय भेडियाच्या सेटवरीलही काही व्हिडीओ सध्या सोशल मीडियावर चर्चेत आहे. या चित्रपटाचं दिग्दर्शन 'स्त्री' चित्रपटाचे दिग्दर्शक अमर कौशिक करत आहेत. दरम्यान क्रितीनं तिच्या इन्स्टाग्रामवर एक व्हिडीओ शेअर केला आहे. जो सोशल मीडियावर खूपच व्हायरल होताना दिसत आहे. या व्हिडीओमध्ये वरुण धवन केक कापताना दिसत आहे. त्यानंतर तो केकचा एक तुकडा बाजूला उभ्या असलेल्या चाहत्याला भरवताना दिसतो. या चाहत्यासोबत साधरण एक वर्षाची लहान मुलगी आहे. जसा वरुण या चाहत्याला केक भरवण्यासाठी हात पुढे करतो त्यावेळी त्या मुलीला वाटतं की, हा केक आपल्याला खायला दिला जात आहे. ती चिमुकली केक खाण्यासाठी तोंड उघते तोच वरुण तिच्या वडिलांना केक भरवतो आणि ती मुलगी त्याकडे पाहतच राहते. हा व्हिडीओ ज्याने कोणी तयार केला आहे त्याने पूर्ण फोकस त्या मुलीवर अशाप्रकारे केला आहे की, तो पाहणाऱ्याला हसू आल्याशिवाय राहणारच नाही. हा व्हिडीओ शेअर करताना क्रितीनं लिहिलं, 'हा व्हिडीओ पाहून तुमचा दिवस सार्थकी लागेल. कारण ही क्यूट मुलगी केक खाण्याचा प्रयत्न करते पण तिला तो मिळत नाही. त्यामुळे ती थोडी नाराज दिसते. अर्थात तिला नंतर केक खायला मिळाला असेल पण ते या व्हिडीओमध्ये कॅप्चर होऊ शकलं नाही.'

from Marathi Bollywood News, Marathi Cinema News https://ift.tt/3sufrSc