मुंबई : अभिनेत्री हेलेन मक्रॉरी यांचे कॅन्सरमुळे झाले. त्या ५२ वर्षांच्या होत्या. हेलेन यांच्या निधनाची बातमी त्यांचे पती डेमियन लुईस यांनी ट्विटरवरून दिली आहे. हेलेन यांचे पती डेमियन लुइस यांनी शुक्रवारी सोशल मीडिया पोस्टद्वारे हेलेन यांचे निधन झाल्याची माहिती दिली. ते लिहितात, 'मला सांगताना अतिशय दु:ख होत आहे की माझी पत्नी हेलेनचे निधन झाले आहे. तिने राहत्या घरात अखेरचा श्वास घेतला. मी स्वत:ला भाग्यवान समजेन की ती आमच्या आयुष्यात होती. हेलेन ही अतिशय सुंदर आणि आत्मविश्वास असलेली व्यक्ती होती. ती आपल्या मित्रमंडळी, कुटुंबातील प्रेमळ व्यक्तींबरोबर होती. ती आज जरी आपल्यात नसली तरी आठवणींच्या रुपाने ती कायम जीवंत असणार आहे. देवाला माहिती आहे की आमचे तिच्यावर किती प्रेम होते. आम्ही सर्वजण भाग्यवान आहोत की हेलेन आमच्या आयुष्यात आली... हेलेनने अनेक सिनेमांमध्ये उत्कृष्ट आणि कायम लक्षात राहतील अशी भूमिका साकारल्या आहेत. हॅरी पॉटरमधील नार्किसा मालफॉय, जेम्स बॉन्डपट असलेल्या 'स्काईफॉल' सिनेमात साकारलेली क्लेयर डोवे या तिच्या भूमिका संस्मरणीय आहेत...' हेलेन यांनी 'ब्लाइंड्स' या वेब सीरिजमध्ये पोली ग्रे नावाची भूमिका साकारली होती. तसेच २००६ मध्ये प्रदर्शित झालेला 'द क्वीन'सिनेमात त्यांनी माजी ब्रिटिश प्रधानमंत्री टोनी ब्लेअर यांची पत्नी शेरी ब्लेअर यांची भूमिका साकारली होती. याशिवाय हेलेन यांनी ‘ह्यूगो’, ‘द क्वीन’ आणि ‘द स्पेशल रिलेशनशिप’मध्ये काम केले आहे. दरम्यान, हेलेनच्या निधनानंतर हिंदी सिनेमांचे दिग्दर्शक हंसल मेहता यांनी ही ट्विट करून हेलेन यांना श्रद्धांजली वाहिली आहे.
from Marathi Bollywood News, Marathi Cinema News https://ift.tt/3gl0Q9A
