गौरी भिडे ० जाहीर झाल्यानंतर मनात नेमक्या भावना काय होत्या ?- अतिशय अनपेक्षितपणे मला राष्ट्रीय पुरस्कार मिळाला. पुरस्कार जाहीर झाल्यानंतर सुरुवातीला एक-दोन फोन आले तेव्हा माझा विश्वासच बसत नव्हता. राष्ट्रीय पुरस्कार मिळावा हे प्रत्येक कलाकाराचं ध्येय असतं. अत्यंत मानाचा समजला जाणारा हा पुरस्कार मला मिळाल्यानं माझ्यावरची जबाबदारी आता वाढली आहे. इतकी वर्षं सातत्यानं काम केल्याची ही पावती आहे असं मी समजते. आजवर मला अनेक नामांकनं मिळाली आहेत; पण पुरस्कार पहिल्यांदाच आणि तोही राष्ट्रीय पुरस्कार मिळाल्यानं हा क्षण खूपच खास आहे. ० '' या गाण्याचं रेकॉर्डिंग करतानाचा अनुभव कसा होता?- साधारण तीन वर्षांपूर्वी हे गाणं रेकॉर्ड केलं होतं. त्यावेळी '' चित्रपटाचे दिग्दर्शक, निर्माते उपस्थित होते. या गाण्याच्या वेळचा चित्रपटातील प्रसंग बघता येईल का अशी विनंती मी त्यांना केली होती. तो प्रसंग बघितल्यानंतर मला रडू आलं. मी त्यांना म्हटलं की आता मी गाऊच शकणार नाही. तेव्हा त्यांनी सांगितलं की मला तुझी आताची मानसिकताच या गाण्यामध्ये अपेक्षित आहे. मग मी सगळ्यांना थोडावेळ बाहेर बसायला सांगितलं. स्टुडिओमधील लाइट्स बंद केले. डोळे बंद करून शांतपणे ते गाणं ऐकलं मग थोड्यावेळानं ते रेकॉर्ड केलं. ० मराठी भाषेसह इतर भाषांमध्येही तू सातत्यानं प्रयोग करत असतेस. त्याबद्दल सांग...- मला लहानपणापासून विविध भाषांचं अप्रूप आणि आकर्षण आहे. दाक्षिणात्य भाषांमधील गाणी मी ऐकत आले आहे. कुठल्याही वेगळ्या भाषेतील गाणं गाताना त्यातील शब्दोच्चारांसाठी त्या भाषेतील गाणी सतत ऐकणं हा खरा अभ्यास असतो असं मला वाटतं. तसंच इंटरनेटवरून, मित्रमैत्रिणींना विचारून मी प्रत्येक भाषेतला लहेजा आत्मसात करते. त्यामुळे 'सावनी ओरीजिनल्स'मध्ये मी बंगाली, मल्याळी, तमिळ, गुजराती अशा विविध भाषांमधील गाणी गाण्याचा प्रयत्न करते. मला कुठलीही गोष्ट परिपूर्ण करायला आवडते. तोच प्रयत्न माझ्या सगळ्या सांगीतिक प्रयोगांमध्ये असतो. ० संगीतामधील तुझा आवडता आणि कठीण वाटणारा प्रकार कुठला?- माझ्यासाठी प्रत्येक गीतप्रकार आव्हानात्मक असतो. भावगीत, भक्तीगीत, अभंग, गझल या प्रत्येकासाठी वेगळा अभ्यास आणि तयारी करावी लागते. मला पार्श्वगायनासाठी आयटम साँग गायला जास्त आवडतं. कारण त्यासाठी वेगळी उत्स्फुर्तता, ऊर्जा, शक्ती, हावभाव लागतात. मला निरनिराळी आव्हानं पेलायला आवडतात. संगीताचे संस्कार हे ऐकण्यानं जास्त होतात; त्यामुळे कुठल्याही गीतप्रकाराची तयारी मी ते सातत्यपूर्ण ऐकून करते. ० तुझे आगामी प्रोजेक्ट्स काय आहेत?- सध्या मी संपूर्ण लक्ष माझ्या युट्यूब चॅनलकडे केंद्रित केलं आहे. दर महिन्याला एक गाणं मी माझ्या चाहत्यांसाठी घेऊन येणार आहे. त्यातूनच विविध प्रयोग करण्याचा माझा विचार आहे. माझ्या चाहत्यांना अनेक सांगीतिक सरप्राइजेस मिळणार आहेत. अनेक चित्रपटांसाठी पार्श्वगायन केलं आहे. पण ते कधी प्रदर्शित होतील याबद्दल आत्ता ठामपणे काहीच सांगू शकत नाही.
from Marathi Bollywood News, Marathi Cinema News https://ift.tt/31M99ma