मुंबई : बॉलिवूड अभिनेता आतापर्यंत केलेल्या अनेक चांगल्या कामांमुळे कायमच चर्चेत असतो. गेल्या वर्षी लॉकडाउनच्या काळात मजुरांना त्यांच्या गावाला जाण्यासाठी केलेली मदत असो वा विद्यार्थ्यांची बाजू घेत परीक्षा रद्द करण्याबाबत मांडलेला विचार असो. आपली मते सोनू सोशल मीडियावर सातत्याने मांडत असतो. अशा या अभिनेत्याचा एक वेगळाच अंदाज त्याने पोस्ट केलेल्या नवीन व्हिडीओमध्ये पाहायला मिळाला आहे. सोनू सुदने इन्स्टाग्रामवर एक व्हिडीओ शेअर केला आहे. त्यामध्ये तो बँडवाल्यांसोबत बँड वाजवताना दिसत आहे. व्हिडिओ शेअर करत सोनूने लिहिले की, 'तुम्हाला जर लग्नासाठी बँड हवा असेल, तर यांच्याशी नक्की संपर्क साधा...' यानंतर तो त्यांच्यासोबत बँड वाजवू लागतो. सोनूच्या चाहत्यांना त्याचा हा वेगळा अंदाज खूपच आवडला आहे. या व्हिडीओच्या माध्यमातून सोनूने बँडवादन किती सुंदर असू शकते हे दाखवण्याचा प्रयत्न केला आहे. यावेळी सोनूने हे ही सांगितले की, ' मित्रांनो, तुम्हाला कधी ही कोणत्याही लग्नकार्यासाठी बँड हवा असेल तर आमचा बँड जबरस्त आहे, त्यामुळे कृपया आम्हाला संपर्क साधा. माझ्यासोबत सुरेश आणि वासू हे दोघे आहेत... चला तर मग वाजवायला सुरुवात करू या...' सोनूने पोस्ट केलेल्या या व्हिडीओवर चाहत्यांनी भरभरून लाइक आणि कमेन्ट केल्या आहेत. अर्थात असा मजेशीर व्हिडीओ सोनूने याआधीही पोस्ट केले आहेत. कधी तो तंदुर रोटी करत आपल्या ढाब्यावर लोकांना जेवणासाठी आमंत्रण देताना दिसतो तर कधी तो चाकू- सुऱ्यांना धार लावणारा होतो आणि त्याच्याकडून धार लावून घेण्याचे तो चाहत्यांना आवाहन करतो. अभिनेता समाजकार्यात सक्रीय आहे हे आता सर्वांनाच माहिती आहे. अलिकडेच सोनूने ऑक्सिजनची गरज असलेल्या इंदोरमधील लोकांना मोठी मदत करत दिलासा दिला होता. सोनूने या ठिकाणी १० ऑक्सिजन जनरेटर देण्याचा निर्णय जाहीर केला आहे. त्याच्या या कामामुळे सोशल मीडियावर त्याचे भरभरून कौतुक होत आहे. याआधीही सोनूने बोर्डाच्या परीक्षा रद्द करण्याची मागणी केली होती. त्याच्या या मागणीला अनेक कलाकारांनीही पाठिंबा दिला होता. दरम्यान, केंद्र सरकारने सीबीएसईच्या दहावीच्या परीक्षा रद्द केल्याअसून बारावीच्या परीक्षा पुढे ढकलल्या आहेत.
from Marathi Bollywood News, Marathi Cinema News https://ift.tt/3wXd0v0
