मुंबई: कॉमेडियन काही महिन्यांपूर्वीच दुसरऱ्यांदा बाबा झाला. कपिलची पत्नी गिन्नीनं मुलाला जन्म दिला. त्यानंतर त्याच्या चाहत्यांना मुलाच्या नावाबाबत बरीच उत्सुकता होती. पण आता कपिलनं आपल्या मुलाच्या नावाचा खुलासा केला आहे. दुसऱ्या मुलाच्याआधी कपिल आणि गिन्नीला एक मुलगी आहे. मुलाच्या जन्मानंतर बऱ्याच काळानं कपिलनं आता मुलाचं नाव चाहत्यांना सांगितलं आहे. कपिल शर्माच्या वाढदिवसाला गायिका नीती मोहननं त्याला शुभेच्छा देताना त्याच्या मुलाचं नाव विचारलं होतं. नीतीनं लिहिलं, 'वाढदिवसाच्या शुभेच्छा कपिल पाजी. तुम्हाला आणि तुमच्या कुटुंबीयांना खूप सारं प्रेम. आता तरी मुलाचं नाव सांगा.' नीतीच्या या ट्वीटवर उत्तर देताना कपिलनं लिहिलं, 'धन्यवाद नीतू. आशा करतो की, तू स्वतःची काळजी घेत असशील. आम्ही बाळाचं नाव त्रिशान ठेवलं आहे.' त्रिशानचा अर्थ जीत म्हणजेच विजय असा होतो. कपिलनं २ एप्रिलला ४० वा वाढदिवस साजरा केला. या निमित्तानं त्याच्या अनेक चाहत्यांनी त्याला सोशल मीडियावरून शुभेच्छा दिल्या होत्या. फेब्रुवारी महिन्यात कपिल दुसऱ्यांदा बाबा झाला होता. त्यानंतर त्यानं पॅटर्निटी लिव्ह घेतली होती आणि त्याचा शो ऑफ एअर झाला होता. त्याच्या शोचा शेवटचा एपिसोड ३१ जानेवारीला प्रसारित झाला होता. लवकरच या शोमधून कपिल टीव्हीवर कमबॅक करणार आहे. कपिलचा शो पुन्हा एकदा प्रेक्षकांच्या भेटीला येणार आहे.
from Marathi Bollywood News, Marathi Cinema News https://ift.tt/2PzrU9Y