मुंबई : बॉलिवूडमधील अभिनेता सुशांतसिंह राजपूत याच्या मृत्यूप्रकरणावर 'न्याय : द जस्टिस' या सिनेमात तयार झाला असून त्याचा टिझर रिलीज झाला आहे. या सिनेमात सुशांतची भूमिका जुबेर करत आहे. तर रिया चक्रवर्तीची भूमिका श्रेया साकारत आहे. या सिनेमात सुशांतच्या वडिलांची भूमिका असरानी दिसणार असून हा ११ जूनला प्रदर्शित होणार आहे. 'न्याय; द जस्टिस' या सिनेमाची निर्मिती विकास प्रॉडक्शनने केली आहे. या सिनेमाची कथा सुशांतचा मृत्यू कसा झाला या प्रश्नाभोवतीच गुंफलेली आहे. या सिनेमाचा टिझर रिलीज झाला आहे. ५८ सेकंदांचा हा टिझर उत्कंठावर्धक आहे. या टिझरच्या सुरुवातीला ख्यातनाम अभिनेता महिंदर सिंह याच्या मृत्यूच्या ब्रेकिंग बातमी दाखवली आहे. त्याने आपल्या घरी आत्महत्या केली असते. हा टिझर जसा जसा पुढे जातो तसे तसे सुशांत मृत्यूप्रकरणातील सर्व घटना आपल्याला आठवू लागतात. ज्याप्रमाणे सुशांतच्या केसचा तपास देशातील तीन शक्तीशाली तपासयंत्रणा करत होत्या, तसेच या टिझरमध्येही दाखवले आहे. सिनेमाचे निर्माते दिलीप गुलाटींनी सांगितले, 'सुशांतच्या मृत्यूचू बातमी ऐकून मी सुन्न झालो होतो. मी त्याला व्यक्तिशः ओळखत नवहतो परंतु त्याच्या जाण्याने माझ्या जवळची व्यक्ती गेल्याची भावना मनात आली होती. या सिनेमाच्या माध्यमातून लोकांना आम्ही सांगू इच्छितो की आत्महत्या करणे हा कोणत्याही समस्येवरील उपाय असू शकत नाही. या सिनेमाद्वारे आम्ही सुशांतला आदरांजली वाहिली आहे.' या सिनेमामध्ये अमन वर्मा, असरानी, शक्ती कपूर, अनंत जोग अनवर फतेहण, सुधा चंद्रन हे कलाकार दिसणार आहेत,
from Marathi Bollywood News, Marathi Cinema News https://ift.tt/3ddA691