मुंबई: ज्येष्ठ अभिनेते सोशल मीडियावर चांगलेच सक्रीय असतात. आपले फोटो, विचार, कविता आपल्या चाहत्यांसोबत ते शेअर करत असतात. अलिकडेच त्यांनी एक जुना फोटो शेअर केला आहे. हा फोटो शेअर करताना त्याच्याशी संबंधित आठवणीही त्यांनी शेअर केल्या. यावेळी ते भूतकाळातल्या आठवणींमध्ये रमून गेलेले दिसत होते. अमिताभ यांनी जो फोटो शेअर केला आहे, तो न्यू यॉर्कमधला आहे. या फोटोमध्ये अमिताभ यांच्या डोळ्यावर चष्मा आणि हातात माइक आहे. हा फोटो पोस्ट करता त्यांनी लिहिले की, 'हा माझा पहिला लाईव्ह परफॉर्मन्स होता. माझ्या मागे जो साईन बोर्ड दिसत आहे तो मेडिसन स्क्वायर न्यू यॉर्क येथील आहे. जगातील सर्वात प्रसिद्ध स्टेडिअममध्ये सादरीकरण करणारा मी पहिला भारतीय होतो...' अमिताभ यांनी केलेल्या या पोस्टवर त्यांची नात नव्यानवेली नंदाने हार्टचं इमोजी पोस्ट करत आजोबांबद्दलचे प्रेम व्यक्त केले आहे. त्याचप्रमाणे अमिताभ यांचे चाहतेही या फोटोवर भरभरून प्रतिक्रिया व्यक्त करत आहेत. अमिताभ यांच्या कामाबद्दल बोलायचे तर ते 'ब्रह्मास्त्र' सिनेमात दिसणार आहेत. या सिनेमात आलिया भट, रणबीर कपूर मुख्य भूमिकेत आहे. या शिवाय नागराज मंजुळे दिग्दर्शित 'झुंड', दिग्दर्शक अमित रविंद्रशर्मा यांचा 'द इंटर्न', रुमी जाफरी दिग्दर्शित 'चेहरे', रॉब कोहेन दिग्दर्शित 'ज्वेल ऑफ इंडिया', विकास भल्ला दिग्दर्शित 'गुडबाय', नाग अश्विन दिग्दर्शित 'प्रभास २१', टी तमिलवानन दिग्दर्शित 'तेरा यार हू मैं', अजय देवगण दिग्दर्शित 'मे डे' असे मोठमोठ्या बॅनेरचे सिनेमे अमिताभ बच्चन यांच्याकडे असून त्याच्या चित्रिकरणामध्ये ते कमालीचे व्यग्र आहेत. असे असूनही ते सोशल मीडियावर कमालीचे सक्रीय असतात. आपल्या चाहत्यांसाठी फोटो, कविता पोस्ट करतात. तसेच आपले विचार ते ब्लॉगमधूनही वेळोवेळी मांडत असतात.
from Marathi Bollywood News, Marathi Cinema News https://ift.tt/2QwfC2k
