मुंबई- बॉलिवूड अभिनेत्री यांनी नुकत्याच दिलेल्या एका मुलाखतीत त्यांच्या आयुष्यातील अनेक गोष्टींवर भाष्य केलं. नीलिमा या लोकप्रिय बॉलिवूड अभिनेता शाहिद कपूरच्या आई आहेत. त्यांनी या मुलाखतीत त्यांचं मन मोकळं केलं. नीलिमा यांनी त्यांच्या दोन घटस्फोटांवरही भाष्य केलं. इतकंच नाही तर या मुलाखतीत त्यांच्या सुनेचं म्हणजे मीरा राजपूतचं कौतुकही केलं. मीराला त्यांनी मैत्रिणीचा दर्जा दिला आहे. सोबतच त्यांनी तिच्या संस्कारांचंदेखील कौतुक केलं. मीरा जरी अभिनेत्री नसली तरी तिची लोकप्रियता एखाद्या अभिनेत्रीपेक्षा कमी नाही. तिच्या एका पोस्टवर लाखो लाइक असतात. ती एक लोकप्रिय व्यक्तिमत्व आहे. चाहतेही मीराबद्दल जाणून घेण्यासाठी उत्सुक असतात. शाहिदच्या आईने नुकत्याच दिलेल्या मुलाखतीत तिचं कौतुक केलं. त्या म्हणाल्या, 'मीरा माझ्यासाठी एका सूनेपेक्षा जास्तच आहे. ती माझी मैत्रीण आहे. मीरा खूप हुशार आहे. ती प्रत्येक काम वेळेवर करते. ती मायाळू स्वभावाची आहे. यासोबतच तिला परिस्थितीची जाणीव आहे. मीरा त्या लोकांसारखी नाहीये ज्यांना कायमच आपल्याकडे सारं लक्ष वेधून घ्यायचं असतं. ती खेळकर आहे आणि तिचं पालन पोषण उत्तमरित्या झालं आहे.' नीलिमा यांचं पहिलं लग्न शाहिदचे वडील पंकज कपूर यांच्यासोबत झालं होतं. काही मतभेदांमुळे त्यांचं नातं टिकू शकलं नाही. त्यांच्या घटस्फोटानंतर नीलिमा यांना नैराश्य आलं होतं. त्यानंतर त्यांनी राजेश खट्टर यांच्याशी विवाह केला. अभिनेता ईशान खट्टर हा राजेश आणि नीलिमा यांचा मुलगा आहे. काही कारणांमुळे नीलिमा यांचं दुसरं लग्नही मोडलं आणि दोघांनीही वेगळं व्हायचा निर्णय घेतला. आपल्या दोन्ही घटस्फोटांवेळी शाहिद आणि ईशानने त्यांना मानसिक आधार दिल्याचं नीलिमा यांनी या मुलाखतीत सांगितलं.
from Marathi Bollywood News, Marathi Cinema News https://ift.tt/3sptuc1